Ռուսաստանը շահագրգռված է Հայաստանի և Ադրբեջանի միջև կայուն խաղաղության շուտափույթ հաստատմամբ: Ռուսաստանը միշտ պատրաստ է մեր հայ և ադրբեջանցի գործընկերներին աջակցություն ցուցաբերել երկկողմ հարաբերությունների կարգավորման հարցում՝ հետևելով Ռուսաստանի, Հայաստանի և Ադրբեջանի ղեկավարների միջև 2020-2022 թվականների եռակողմ համաձայնագրերի ոգուն և տառին։ Այս մասին ասել է Հայաստանում ՌԴ դեսպան Սերգեյ Կոպիրկինը։ ՌԴ-ն Փաշինյանին կոչ է անում չվերադառնալ Արևմուտքի «գիրկը», քանի որ աշխարհում գեոպոլիտիկ իրավիճակ է փոխվել՝ԱՄՆ-ում իշխանության է եկել Դոնալդ Թրամփը, ով փորձելու է կարգավորել ռուս-ամերիկյան հարաբերությունները։ Այս պարագայում Փաշինյանի և ՔՊ-ի հակառուսականությունն ոչ ոքի Արևմուտքում այլևս անհրաժեշտ չի լինելու և նրանց թիմն իշխանության մնալու ոչ մի շանս չի ունենա, քանի որ այսօր նրանք իշխանության են Արևմուտքի և թուրք-ադրբեջանական տանդեմի համատեղ ջանքերի շնորհիվ՝զրո վարկանիշ ունենալով ՀՀ քաղաքացիների շրջանում։ Մոսկվան ցանկանում է ինքը հսկողություն սահմանել հայ-ադրբեջանական կարգավորման նկատմամբ, քանի որ Փաշինյանի վրա հույս դնել չի կարելի՝նա արդեն իսկ Արցախը ճանաչել է Ադրբեջանի կազմում՝դրանով ռուս խաղաղապահներին դուրս մղելով Հարավային Կովկասից։ Հաջորդը՝Սյունիքն է և Մոսկվան չի ցանկանում, որպեսզի ՔՊ-ն Սյունիքով միջանցքը տրամադրի Արևմուտքին կամ Բաքվին՝Մեծ Թուրանի լոգիստիկան կյանքի կոչելու և ՌԴ-ին ու Իրանին թիկունքից հարվածելու համար։ Փաշինյանն ու թիմը զրոյացրել են հայ-ռուսական դաշնակցային հարաբերությունները՝Արևմուտքի պահանջով։ ՔՊ-ն այսօր հայտնվել է բարդ իրավիճակում՝նրանք այլևս պետք չեն Արևմուտքին, սակայն նրանք պետք չեն նաև ՌԴ-ին, որին տարիներ շարունակ քննադատել են։ Փաշինյանն ու ՔՊ-ն ամեն ինչ անելու են 2026թ․-ին վերարտադրվելու համար և պետականամետ ուժերի ու հայ ազգի թիվ մեկ խնդիրը դա թույլ չտալն է։