Իրանի խորհրդարանը վավերացրել է Հայաստանը ներառող միության հետ ազատ առևտրի գոտու մասին համաձայնագիրը:
Հայաստան-Իրան տնտեսական կապերը կարող են բարձրանալ նոր մակարդակ։
ՀՀ-ն՝ԵԱՏՄ անդամ երկիր է, իսկ Իրանի հետ նոր համաձայնագիրը թույլ կտա ՀՀ-ին դառնալու կամուրջ դեպի ԵԱՏՄ՝իրանական ապրանքների համար, իսկ հայկական ապրանքները կարող են ավելի լայն ներկայացված լինել իրանական 80 միլիոնանոց շուկայում։
Իրանը՝ՀՀ-ի համար բարեկամ և դաշնակից երկիր է, այդ թվում Մեծ Թուրանի ծրագիրը թույլ չտալու, Սյունիքը հայկական պահելու տեսանկյունից։
Փաշինյանն ու թիմը խորացնում են կապերն Արևմուտքի հետ, որն ոչինչ չի տալիս ՀՀ-ին բացի խոստումներից, իսկ Իրանի հետ հնարավոր է կյանքի կոչել էներգետիկ-տրանսպորտային լուրջ նախագծեր։
ՀՀ-ն կարող է դառնալ իրանական նավթի ու գազի, էլեկտրաէներգիայի տարանցման միջանցք, իսկ Հյուսիս-Հարավ լոգիստիկ կառույցի կյանքի կոչումից հետո ՀՀ-ն՝Իրանի միջոցով կարող է դուրս գալ Պարսից ծոց և Հնդկաստան։
ՀՀ-ն կարող է մաս կազմել Հյուսիս-Հարավ տնտեսական և անգամ ռազմա-քաղաքական առանցքի՝ՌԴ-Վրաստան-ՀՀ-Իրան ուղղությամբ, այդ կերպ զսպելով նաև թուրք-ադրբեջանական տանդեմին։
Սակայն վերոնշյալ ծրագիրը կյանքի կոչելու համար Երևանում իշխանության պետք է լինեն ազգային, պետականամետ ուժերը, ոչ թե Արևմուտքի և Բաքվի շահերի լոբբիստները՝ՔՊ-ականները, որոնք ՀՀ-ից փորձում են կերտել հակառուսական պլացդարմ, իսկ Իրանի հետ խոշոր նախագծերն այնքան դանդաղ են իրականացվում, որ Ադրբեջանն Իրանի հետ ավելի շուտ է կյանքի կոչելու երկաթգծային նախագիծը։
Հայաստանի ապագան սերտորեն կապված է Իրանի հետ՝Թեհրանի հետ պետք է երկկողմ կապերը բարձրացնել ռազմավարական, դաշնակցային մակարդակի՝իրանական ներդրումներ ներգրավվել հայկական տնտեսության մեջ, այդ թվում Սյունիք՝ստեղծելով այդ կարևորագույն մարզում նոր աշխատատեղեր։
