Աշխատող, արդյունք ստեղծող, օրենքով սահմանված հարկերը վճարող քաղաքացին Հայաստանի Հանրապետության թիվ 1 հերոսն է: Այդ մասին հայտարարել է Նիկոլ Փաշինյանը։
Հայաստանի համար թիվ մեկ հերոսը՝հայոց բանակի զինվորն է։ Փաշինյանը ՀՀ քաղաքացիներին դիտարկում է, որպես հարկեր վճարողներ՝նրա համար կարևոր է, որ բյուջեն լցվի, իսկ բյուջեից պարգևավճարներ ստանան ՔՊ-ականները։
Հայ ազգի համար հերոսները հայոց բանակի զինվորներն են, պատմական հերոսները, իսկ ՔՊ-ականները պետությունը դիտարկում են, որպես ՍՊԸ, որից նրանք օգտվում են և հարստանում։
Փաշինյանի օրոք հայկական բիզնեսն ու քաղաքացիներն ենթարկվում են հարկային տեռորի՝նորանոր հարկերը ՀՀ հպարտ քաղաքացիներին դրդում են արտագաղթի և աղքատացման։
Փաշինյանի կառավարման տարիներն ոչ միայն Արցախի և ՀՀ սուվերեն տարածքների կորստի տարիներ են, այլ նաև իրեն ժամանակին ընտրած ՀՀ քաղաքացիների աղքատացման և արտագաղթի տարիներ։
Հայկական տնտեսությունը կոլապսի մեջ է ՝հայ-թուրքական և հայ-ադրբեջանական բաց սահմանները միայն կարագացնեն հայկական տնտեսության կլանումը թուրքական և ադրբեջանական կապիտալի կողմից։
Ալիևը պատրաստվում է ՀՀ-ում բնակեցնել 300 հազար ադրբեջանցիների, իսկ Փաշինյանն ու թիմը դրան չի հակազդում՝լռությունը համաձայնության նշան է։
Արցախը հայաթափելուց հետո Բաքուն ցանկանում է Հայաստանը վերածել «Արևմտյան Ադրբեջանի»՝հենվելով Երևանի իրենց դաշնակիցների՝ՔՊ-ականների վրա։
Հայոց պետականությունը ռազմական, քաղաքական, տնտեսական և դեմոգրաֆիկ առումներով գլորվում է անդունդը՝Փաշինյանի քավորությամբ։
Ելքը՝օր առաջ իշխանափոխությունն է։ Սեփական կամքով հեծանիվի սիրահարն երբեք չի հեռանալու։
Փաշինյանն ու ՔՊ-ն՝ Թուրքիային և Ադրբեջանին ձեռնտու իշխանություններ են, քանի որ նրանց քայլերի արդյունքում Հայաստանն աստիճանաբար դատարկվում է։
Սեդա Գևորգյան
