Այսօր ՀՀ-ում իշխանության են դիլետանտները, վախկոտներն ու շատ անգրագետ մարդիկ։ Այդ մասին հայտարարել է «Համահայկական ճակատ»շարժման առաջնորդ Արշակ Կարապետյանը։
Փաշինյանական թիմն Արցախը հանձնելու և հայաթափման խորհրդանիշն է։ ՔՊ-ի քայլերի արդյունքում Արցախն օկուպացվեց ադրբեջանական զորքերի կողմից, Արցախը հայաթափվեց, իսկ Սյունիքի հանդեպ սպառնալիքները միայն աճում են։ Փաշինյանի դիլետանտ, անգրագետ սոցիալ-տնտեսական քաղաքականության արդյունքում արտաքին պարտքը հասել է 13 միլիարդ դոլարի, ոչ մի նոր աշխատատեղ չի բացվել, իսկ ՀՀ քաղաքացիները տասնյակ հազարներով արտագաղթում են։
ՔՊ-ականները հայաթափման և թուրք-ադրբեջանական տանդեմի շահերի սպասարկման խորհրդանիշն են։
2018թ․-ին ՀՀ-ում գունավոր հեղաշրջմամբ իշխանության բերվեցին դիլետանտներ, ովքեր պետք է Արցախը հանձնեին Ադրբեջանին, թուլացնեին հայոց բանակը, ոչնչացնեին տնտեսությունն ու կազմաքանդեին հայ-ռուսական ռազմաքաղաքական դաշինքը։
Ադրբեջանն ամեն օր նոր պահանջներ է առաջ քաշում ՀՀ-ից, իսկ ՔՊ-ականները պատրաստ են դրանք կատարել՝միայն թե մնան իշխանության և շարունակեն հարստանալ։
Ալիևի հակահայ պահանջները բավարարելուց հետո ՔՊ-ականները սկսելու են բավարարել նաև Էրդողանի պահանջները՝կհրաժարվեն հայոց պահանջատիրությունից Արևմտյան Հայաստանի մասով և Հայոց ցեղասպանության միջազգային ճանաչման հարցով։
ՔՊ-ականները պետք է հեռացվեն՝դա է հայոց պետականության փրկության միակ կարճ ճանապարհը։ 2026թ․-ին ՔՊ-ական կլանի վերարտադրությունը հանգեցնելու է հայոց պետականության կազմաքանդման և Մեծ Թուրանի ծրագրի իրականացման։
Սեդա Գևորգյան
