Ողջունում եմ Հայաստանի և Ադրբեջանի միջև բանակցությունների ավարտի մասին հայտարարությունը:
Դրա մասին ասված է Ֆրանսիայի նախագահ Էմանուել Մակրոնի հայտարարության մեջ։
Արևմուտքին ձեռնտու է ՀՀ-Ադրբեջան կարգավորումը՝ՌԴ-ի դեմ պայքարի շրջանակներում։ Ֆրանսիան ցանկանում է հասնել հայ-ադրբեջանական կարգավորմանը, քանի որ այդ պարագայում ՀՀ-ում նվազելու է ռուսական ազդեցությունը, այդ թվում ռազմական ներկայության կարիքը։ Հենվելով Փաշինյանի հակառուսական դիրքորոշումների վրա Արևմուտքը դուրս մղեց ռուս խաղաղապահներին Արցախից՝Փաշինյանը ճանաչեց Արցախն Ադրբեջանի կազմում, իսկ հիմա ՔՊ-ն ցանկանում է ռուսական ռազմական ներկայությունը զրոյացնել նաև ՀՀ-ում։
Այդ գործընթացը սկսվել է՝ռուս սահմանապահները դուրս բերվեցին Զվարթնոցից և հայ-իրանական սահմանից։
Արևմուտքը ցանկանում է հասնել հայ-թուրքական և հայ-ադրբեջանական սահմանների բացմանը, որպեսզի հայկական տնտեսությունը զրոյացնի իր կախվածությունը ՌԴ-ից և ընկնի կախվածության մեջ թուրքական տնտեսությունից, ներդրումներից, իսկ էներգետիկ առումով ռուսական գազն ու նավթը ՀՀ-ի համար փոխարինվեն ադրբեջանական էներգակիրներով։
ՔՊ-ն պատրաստ է բենզին գնել SOCAR-ից՝բենզինի, գազի ներկրումով զբաղվելու են Փաշինյանի սրտի օլիգարխները։
Արևմուտքը ՀՀ-ին դրդում է դեպի թրքացում՝իր հակառուսական երկարաժամկետ գեոպոլիտիկ ծրագրերի շրջանակներում։
ՔՊ-ն պատրաստ է սպասարկել թուրքական, արևմտյան, հակառուսական ծրագրեր՝միայն թե մնա իշխանության և շարունակի հարստանալ։
ՀՀ-ում պետք է տեղի ունենա իշխանափոխություն՝հակառակ պարագայում ՀՀ-ն վերածվելու է թուրքական վիլայեթի կամ Ադրբեջանի տնտեսական կցորդի։
Սեդա Գևորգյան
