Մարտի 10-ի դրությամբ Երևանի քաղաքապետարանը հավաքագրել է շուրջ 2.5 մլրդ դրամ՝ տրանսպորտային համակարգում վաճառված տոմսային պրոդուկտներից, որից 210 հազարից ավելին եղել են փաթեթային տոմսերը, այս մասին լրագրողների հետ հանդիպման ընթացքում ասաց Երևանի քաղաքապետի մամուլի խոսնակ Հայկ Կոստանյանը։
«Վաճառված փաթեթների 71 տոկոսը հիմնական փաթեթներն են, իսկ 29 տոկոսը՝ արտոնությունները։ Այսինքն՝ 210 հազարից ավելի փաթեթ ձեռք բերած քաղաքացիների մոտ 61 հազարն այս կամ այն կերպ օգտվում է արտոնությունից։ Արտոնություններից օգտվող քաղաքացիների 22 տոկոսն անվճար երթևեկող քաղաքացիներն են»,-ասաց Հայկ Կոստանյանը։
