«Համահայկական ճակատ» շարժումը և համանուն կուսակցությունը կանցկացնեն հանրային հավաք նախագահական նստավայրի դիմաց` Բաղրամյան 26 հասցեում, փետրվարի 3-ին, ժամը 11:45-ին:
Շարժման պահանջն է, որ ՀՀ նախագահը հրապարակայնորեն ներողություն խնդրի հայ ժողովրդից և հայրենիքի պաշտպանության համար զոհված զինծառայողների ընտանիքներից` Դավոսում Ադրբեջանի նախագահ Իլհամ Ալիևին շնորհակալություն հայտնելու համար։
Համահայկական ճակատը դա գնահատում է որպես քաղաքականապես անընդունելի, ազգային արժանապատվությունը խաթարող և զոհվածների հիշատակը վիրավորող քայլ։
Նշված է Համահայկական Ճակատի պաշտոնական հաղորդագրության մեջ
