Ռուսաստանի բանակը, իր պատասխան հարվածով, հարձակվել է Ուկրաինայի ռազմական ղեկավարության հետ կապված թիրախների վրա, հաղորդել է ՌԴ պաշտպանության նախարարությունը։
«Կիևում և Կիևի մարզում զանգվածային հարվածի ժամանակ վնասվածների թվում էին Ուկրաինայի ռազմաարդյունաբերական համալիրի օբյեկտները, ռազմական ենթակառուցվածքները, ինչպես նաև Ցամաքային զորքերի գլխավոր հրամանատարության, Ուկրաինայի պաշտպանության նախարարության գլխավոր հետախուզական վարչության և Ուկրաինայի զինված ուժերի այլ հրամանատարական կետեր», – նշվում է հաղորդագրության մեջ։
Նախարարությունը շեշտել է, որ քաղաքացիական ենթակառուցվածքների վրա հարձակումներ չեն պլանավորվել կամ իրականացվել։
Ավելի վաղ նախարարությունը հայտարարել էր, որ ռուսական բանակը հարված է հասցրել Ուկրաինայի ռազմական օբյեկտներին, այդ թվում՝ «Օրեշնիկ», «Կինժալ», «Իսկանդեր» և «Ցիրկոն» հրթիռներով։ Հարվածը հասցվել է բոլոր թիրախներին և պատասխան է եղել Ուկրաինայի զինված ուժերի կողմից քաղաքացիական օբյեկտների վրա ահաբեկչական հարձակումներին։
