Թուրքիան Ուզբեկստան կուղարկի խորհրդատվական խումբ՝ գեներալ-մայորի գլխավորությամբ, աջակցելու ուզբեկական բանակի բարեփոխումների գործընթացին։ Ավելի վաղ նմանատիպ առաքելություն իրականացվել էր Ադրբեջանում։

Թուրքիայի ազգային պաշտպանության նախարար Yaşar Gülerը հայտարարել է, որ եղբայրական և բարեկամ երկրները, որոնց Անկարան անկեղծորեն աջակցում է, ձգտում են իրենց զինված ուժերը կառուցել թուրքական մոդելով։

Նրա խոսքով՝ Թուրքիայի և Ուզբեկստանի միջև շարունակվող ռազմական համագործակցության շրջանակում, որոնք կապված են խորը պատմամշակութային կապերով, երկիր արդեն գործուղվել է թուրք ռազմական մասնագետներից կազմված խորհրդատվական խումբ՝ բանակի բարեփոխումներին աջակցելու նպատակով։