Շվեդ կլիմայական ակտիվիստ Գրետա Թունբերգը առագաստանավով ուղևորվել է Գազայի հատված՝ 11 այլ ակտիվիստների հետ։ Նրանք փորձում են մարդասիրական օգնություն հասցնել պաղեստինյան անկլավ և աշխարհի ուշադրությունը հրավիրել տարածաշրջանում առկա մարդասիրական ճգնաժամի վրա։ Այս մասին հաղորդել է Associated Press-ը:
«Ազատության նավատորմ» (Freedom Flotilla) կոալիցիայի «Մադլին» առագաստանավը կիրակի ճանապարհ է ընկել Իտալիայի հարավում գտնվող Կատանիայի նավահանգստից։ Ճանապարհորդները պլանավորում են յոթ օրում հասնել Գազայի ափ, իհարկե, եթե նրանց չկանգնեցնեն։
Անձնակազմին միացել են նաև «Գահերի խաղը» սերիալի դերասան Լիամ Քանինգհեմը և Եվրախորհրդարանի անդամ Ռիմա Հասանը, որը պաղեստինյան ծագում ունի։ Նա բազմիցս քննադատել է Իսրայելի գործողությունները Գազայի հատվածում։
Գազա ծովով հասնելու նախորդ փորձը ձախողվել էր մայիսին, երբ նավերից մեկը անօդաչու թռչող սարքերի հարձակման էր ենթարկվել Մալթայի միջազգային ջրերում։ Կազմակերպիչները մեղադրել էին Իսրայելին։
