ՀԱՊԿ բոլոր պարտավորությունները Հայաստանի հանդեպ պահպանվում են։ Այս մասին ասել է կազմակերության գլխավոր քարտուղար Իմանղալի Տասմագամբետովը։
ՀԱՊԿ-Հայաստան հարաբերությունները խզում է Նիկոլ Փաշինյանը։ Փաշինյանն ու ՔՊ-ն 2018թ․-ից ի վեր կազմաքանդում են ՀԱՊԿ-Հայաստան հարաբերությունները՝ցեխ են շպրտում այդ կազմակերպության վրա՝դա անում են Արևմուտքի շահերը սպասարկելով և հակառուսական ընդհանուր ուղենիշի շրջանակներում։
ՀԱՊԿ-ի նկատմամբ կան բազմաթիվ հարցեր հայ հասարակության շրջանում, սակայն ՔՊ-ն սեփական ձախողումները՝ՀՀ տարածքները Բաքվին ջիջելու և Ալիևին չհակազդելու քայլերը փորձում են վերագրել ՀԱՊԿ-ն և սլաքներն ուղղել այդ կազմակերպության դեմ։
ՀԱՊԿ-ն՝ՌԴ-ի ռազմա-քաղաքական ազդեցության տակ գտնվող կազմակերպություն է և Մոսկվան ՀԱՊԿ-ի դեմ քայլերն ընկալում է, որպես հակառուսական քաղաքականություն։
Փաշինյանն ու թիմը բազմաթիվ քայլեր են ձեռնարկել ՀԱՊԿ-ի հանդեպ՝ձերբակալել է ՀԱՊԿ-ի գլխավոր քարտուղարին, այսօր էլ ՔՊ-ն սառեցրել է իր ակտիվ մասնակցությունն այդ կազմակերպությանը։
ՀՀ-ն պետք է ունենա հզոր բանակ՝գնի նոր զինատեսակներ, որպեսզի կարողանա զսպել թուրք-ադրբեջանական տանդեմին։ Տասնամյակներ շարունակ հայոց բանակը էժան գներով զինվում էր ՀԱՊԿ-ին անդամակցության շնորհիվ։
Այսօր ՔՊ-ականները ռուսական, խորհրդային զենքերը ցանկանում են փոխարինել արևմտյան թանկարժեք զինատեսակներով։
Փաշինյանն ու թիմը չունեն պետական և բանակի ղեկավարման փորձ և տարբեր քայլերով թուլացնում են բանակի մարտունակությունն ու դա հանգեցնում է Բաքվի կողմից պահանջների մի մեծ ցուցակի ի հայտ գալուն։
Քանի դեռ ՀՀ-ում ՔՊ-ական թիմն է՝Ադրբեջանը շարունակելու է սպառնալ Երևանին ու պատրաստվել Սյունիքի օկուպացիային։
Միայն ՀՀ-ում իշխանափոխության շնորհիվ հնարավոր կլինի վերականգնել դաշնակցային կապերը ՀԱՊԿ-ի ու ՌԴ-ի հետ՝դրանով ամրապնդելով հայոց պետականության անվտանգությունն ու կարողանալ զսպել Բաքվի նկրտումներն արդեն ՀՀ ողջ տարածքի նկատմամբ։
Սեդա Գևորգյան
