Արտագաղթի պատճառները 90 տոկոսով կապված են մեր վարած տարածաշրջանային քաղաքականության հետ։ Այդ մասին հայտարարել է Նիկոլ Փաշինյանը։
Փաշինյանի ինքնախոստովանությունը՝արտագաղթում են ՔՊ-ի պատճառով։ Այո, ՀՀ քաղաքացիները տասնյակ հազարներով ՀՀ-ից արտագաղթում են Փաշինյանի և թիմի վարած քաղաքականության արդյունքում՝ներքին և արտաքին։
Ներքին քաղաքականությունը՝հայաթափման քաղաքականություն է՝հարկերի բարձրացում, գնաճ, արտաքին պարտքի ավելացում, զրո նոր աշխատատեղեր, կոռուպցիա և ՔՊ-ական կլանի ձևավորում։
Արտագաղթի արտաքին պատճառներն են՝ՀՀ-ի վերածումը թուրքական վիլայեթի՝Փաշինյանի քայլերի արդյունքում։ Արցախը հանձնված է՝արցախահայերը մասայաբար արտագաղթում են ՀՀ-ից, սահմաններն անընդհատ կրճատվում են հօգուտ Բաքվի, Սյունիքի դեմ սպասվում է նոր պատերազմ, իսկ բանակում՝բարդակ է ՔՊ-ականների կադրային քաղաքականության արդյունքում։
Սա է ՀՀ-ի հայաթափման ողջ պատկերը, որի թիվ մեկ պատասխանատուն Փաշինյանն է և նրա դիլետանտ խմբակը։
ՀՀ քաղաքացիները կցանկանան ապրել սեփական հայրենիքում, սակայն դրա համար անհրաժեշտ է ապահովել երկու կարևոր գործոն՝տնտեսական զարգացում և անվտանգություն։
Ադրբեջանը զինվում է և պատրաստվում է նոր պատերազմի՝Փաշինյանը հեծանիվ է վարում։ Արտաքին պարտքը նոր ռեկորդներ է սահմանել և ՔՊ-ն ՀՀ մեծ տեմպերով տանում է դեպի սնանկություն՝դրանից բխող բոլոր աղետալի հետևանքներով։
Փաշինյանն ու թիմն իրենց ոճին հավատարիմ արտագաղթի և այլ խնդիրների համար կրկին մեղադրելու են նախկիններին, սակայն ՀՀ քաղաքացիներն արդեն այդ ստերին չեն հավատում։
Նրանք տեսնում են հարստացող ՔՊ-ականներին և իրենց դատարկվող սառնարանները։ ՀՀ-ում կամ տեղի է ունենալու իշխանափոխություն կամ սոցիալական պայթյուն։
Սեդա Գևորգյան
