Իշխող «Քաղաքացիական պայմանագիր» խմբակցության քարտուղար Արթուր Հովհաննիսյանը ոչ հերքում և ոչ էլ հաստատում է՝ արդյոք «ադրբեջանցիների վերադարձի» հարցը խաղաղության պայմանագրի բանակցությունների օրակարգում կա, թե չկա:
ՔՊ-ի ամանորյա «նվերը» ՀՀ քաղաքացիներին՝ադրբեջանցիների վերադարձ Հայաստան։ Փաշինյանն ու նրա թիմը հնազանդ կատարում են Բաքվից եկող բոլոր հրահանգները՝Արցախը հանձնված է, բանակն ու հայ-ռուսական կապերը կազմաքանդված են, արտագաղթը՝ռեկորդներ է սահմանում։
Հաջորդ զիջումն է լինելու Զանգեզուրի միջանցքն ու ադրբեջանցիների վերադարձը Հայաստան։ ՔՊ-ն Ալիևի փիառով է զբաղված՝նրանք կատարում են նրա բոլոր ցանկությունները։
ՔՊ-ն հանուն աթոռների ու պաշտոնների պատրաստ են կատարել ցանկացած հրահանգ՝Արևմուտքից, Արևելքից՝նրանց համար էական չէ։
Հայոց պետականության համար սպառնալիք են թե ՔՊ-ականները, թե ադրբեջանական բանակը։ ՔՊ-ն և նրա հեծանվորդ վարչապետը կատարում են Արևմուտքի և Բաքվի հրահանգները՝զրոյացնում են հայ-ռուսական կապերն ու թուլացնում են սահմաններն ու բանակը։
Եթե Փաշինյանն ու թիմը մնան իշխանության և վերարտադրվեն տարբեր մանիպուլյացիաներով ու ոստիկանական ճնշումներով նաև 2026թ․-ին, ապա ադրբեջանցիները վերադառնալու են Հայաստան։
Արևմուտքը ցանկանում է ՀՀ-ում ռուսական ռազմա-քաղաքական և տնտեսական ներկայությունն ու ազդեցությունը փոխարինել թուրք-ադրբեջանական ներկայությամբ։
Ռուսական գազի փոխարեն Փաշինյանը մեծ սիրով գնելու է ադրբեջանական գազ, իսկ ռուսական շուկայի փոխարեն՝ՔՊ-ի սրտի օլիգարխներն առևտուր են անելու թուրք բիզնեսմենների հետ և նախընտրեն թուրքական շուկան։
ՔՊ-ի կառավարման տարիները՝թուրքերի և ադրբեջանցիների դիրքերի ամրապնդման և հայկական շահերի զիջման ու ոտնահարման, Արցախի զիջման տարիներ են։
Եթե ՀՀ քաղաքացիները ցանկանում են ունենալ հայրենիք և պետականություն, ապա պետք է չընտրեն ՔՊ-ին գալիք արտահերթ կամ հերթական ԱԺ ընտրություններում։
