Փաշինյանն երկիրը տանում է քաղաքացիական պատերազմի և պայքարում է սեփական ժողովրդի դեմ։ Այդ մասին հայտարարել է Համահայկական ճակատ շարժման առաջնորդ Արշակ Կարապետյանը։
Փաշինյանը հայոց պետականությունը տանում է դեպի կոլապս։ Փաշինյանն ու ՔՊ-ականները տարիներ շարունակ երկիրը բաժանեցին սևերի ու սպիտակների, ներկաների և նախկինների, հայաստանցիների և ղարաբաղցիների, ինչն էլ հանգեցրեց Արցախի կորստին և հիմա վտանգի տակ է Սյունիքը։
ՔՊ-ականների քայլերի արդյունքում ՀՀ հպարտ քաղաքացիներն աղքատանում են՝հայկական տնտեսությունը կոլապսի մեջ է և եթե փաշինյանական կլանը շարունակի ԵՄ-ին անդամակցության մասին կեղծ թեզեր տարածել, ապա ՀՀ-ին դուրս են հանելու նաև ԵԱՏՄ-ից, իսկ դա հայկական տնտեսության կործանում է նշանակում։
Փաշինյանն ու թիմը կատարում են Արևմուտքի պատվերները՝ՀՀ-ից փորձում են կերտել հակառուսական և հակաիրանական պլացդարմ՝դրանից բխող աղետալի և հայակործան հետևանքներով։
ՀՀ-ն բազմաթիվ թելերով՝ռազմաքաղաքական և տնտեսական կապված է ՌԴ-ի և ԵԱՏՄ-ի հետ՝հայ-ռուսական կապերի խզումը հանգեցնելու է հայոց պետականության վերջնական կազմաքանդման։
Թուրք-ադրբեջանական դաշինքն ամեն օր սպասում է, թե երբ են վերջնականապես խզվելու հայ-ռուսական կապերը, որպեսզի լայանածավալ հարձակում իրականացնեն ՀՀ-ի վրա՝Սյունիքով Զանգեզուրի միջանցք ստեղծելու և հայոց բանակին ևս մեկ հարված հասցնելու համար։
Արևմուտքը բացահայտ հայտարարում է, որ նրանք զորք չեն ուղարկելու Հայաստան և չեն պաշտպանելու Սյունիքը՝ադրբեջանական նոր հարձակման ժամանակ։
Փաշինյանն ու թիմը կրկին անգամ ստում են ՀՀ քաղաքացիներին՝Արևմուտքը ՌԴ-ին այլընտրանք չէ և նրանք չեն պատրաստվում խզել կապերը իրենց ՆԱՏՕ-ական դաշնակից Թուրքիայի և նավթագազային գործընկեր՝Ադրբեջանի հետ հանուն հայկական շահերի։
Հայոց պետականության փրկության միակ ելքը՝համազգային պայքարով Փաշինյանին հեռացնելու մեջ է։
Սեդա Գևորգյան
