ՀՀ-ում աղքատության ցուցանիշը շարունակում է մնալ բարձր մակարդակի վրա։ ԱՊՀ-ի ամենաաղքատ երկիրն է Հայաստանը։
Փաշինյանն ու թիմը հարստացել են, իսկ հայ ազգը՝աղքատացել։ ՀՀ հպարտ քաղաքացիները, ովքեր 2 անգամ ընտրել են թրքամետ ՔՊ-ական թիմին ամեն օր աղքատանում են և ափսոսում են, որ ընտրել են Փաշինյանին և նրա թիմին, սակայն արդեն ուշ է։ Փաշինյանական կլանը դարձել է դոլարային միլիարդատերեր, իսկ ՀՀ քաղաքացիներն ապրում են աղքատության ճիրաններում։
ՔՊ-ական խմբակն ամեն օր նոր հարկեր և տուրքեր է հորինում, որպեսզի լցնի բյուջեն՝դրանով կազմաքանդելով տնտեսությունը, հարվածելով փոքր և միջին բիզնեսին, ինչպես նաև աղքատացնելով ՀՀ քաղաքացիներին։
Սոցիալ-տնտեսական աղետ բերած ՔՊ-ական թիմն իր քայլերով հայաթափում է ՀՀ-ն։ Հասարակ քաղաքացիները չկարողանալով հոգալ իրենց առօրյա հոգսերը ստիպված են լինում արտագաղթել՝դրանով կատարվում է Ադրբեջանի և Թուրքիայի դարավոր երազանքը՝Հայաստան առանց հայերի։
Աղքատությունն ավելի սուր է դրսևորվում ՀՀ մարզերում և գյուղերում՝դա կարելի է տեսնել անզեն աչքով։ Մարզերում չկան աշխատատեղեր, իսկ գյուղերը ծերանում են՝երիտասարդությունը մեծ տեմպերով արտագաղթում է կամ արտերկիր կամ աշխատանք գտնելու հույսով տեղափոխվում է Երևան։
2018թ․-ից սկսած ոչ մի ՔՊ-ական չի արտագաղթել ՀՀ-ից, քանի որ նրանք վայելում են իշխանությունն ու միլիոններ են վաստակում՝ապագայում Արևմուտքում դրանք ծախսելու համար։
ՔՊ-ականներն ապագա չեն կապում ՀՀ-ի հետ, քանի որ ապագա կապելու պարագայում նրանք այսքան կործանարար ծրագրեր կյանքի չէին կոչի՝Արցախի հայաթափում, բանակի կրճատում, արտաքին պարտքի ավելացում և հայ-ռուսական կապերի խզման փորձեր։
ՀՀ քաղաքացիները պետք է ոտքի կանգնեն՝ նրանց փոխարեն ոչ ոք իրենց հայրենիքը չի փրկելու։ Փաշինյանական կլանի իշխանությունը ձեռնտու է բոլորին, բացի հայ ազգից ու հայոց պետականությունից։
