Ադրբեջանում այսօր դատում են հայերին,  ովքեր պայքարում են Արցախի և արցախահայերի իրավունքների համար։ Այդ մասին հայտարարել է «Համահայկական ճակատ» շարժման առաջնորդ Արշակ Կարապետյանը։

Փաշինյան-Ալիև տանդեմին ձեռնտու չէ Արցախի ղեկավարության ազատ արձակումը։ Ալիևը Բաքվում շինծու քրեական գործերով դատում է Արցախի ռազմաքաղաքական ղեկավարությանը, քանի որ նրանք 90-ականներին հաղթել են նրա հորն ու ազատագրել են Արցախն ադրբեջանական օկուպացիայից։ 

Ալիևն անձնական վրեժ է լուծում Արցախի ռազմաքաղաքական ղեկավարությունից և հայ ազգից։ 

Փաշինյանը չի ցանկանում, որպեսզի Արցախի ռազմաքաղաքական ղեկավարությունը վերադառնա Երևան, քանի որ նրանք կարող են շատ բան պատմել Փաշինյան-Ալիև գաղտնի պայմանավորվածությունների մասին՝Արցախը հանձնելու հետ կապված։

Բացի այդ, 2026թ․-ին ՀՀ-ում տեղի են ունենալու նոր ընտրություններ և Արցախի ռազմաքաղաքական ղեկավարությունը կարող է ազդել ՀՀ ներքաղաքական իրավիճակի վրա, ինչը կհանգեցնի ՔՊ-ականների պարտության։

ՔՊ-ն ամեն ինչ անելու է՝օգտագործելու է վարչական լծակներն ու կոալիցիաներ է կազմելու տարբեր հակառուսական, արևմտամետ ուժերի հետ՝2026թ․-ին հաղթելու և թուրք-ադրբեջանական շահեր սպասարկելու համար։

ՀՀ քաղաքական ուժերն ու քաղաքացիները պետք է միասնական ճակատ ձևավորեն ՔՊ-ականներին հեռացնելու համար, քանի որ նրանք Երևանում սպասարկում են Էրդողան-Ալիև տանդեմի պանթուրքական շահերը։

ՀՀ-ում իշխանափոխությունից հետո Բաքվի հայ գերիները տուն են վերադառնալու և Ադրբեջանն այլևս չի համարձակվի սպառնալիքների լեզվով խոսել հայ ժողովրդի հետ։

Սեդա Գևորգյան