Մարտի 9-ին, ժամը 15:11-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Շահումյան գյուղում այրվում է խոտածածկույթ։ Հայտնում են ՆԳՆ փրկարար ծառայությունից:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ հրդեհը բռնկվել է Շահումյան և Փոքր Վեդի գյուղերի միջանկյալ հողատարածքներում։
Հրդեհը մեկուսացվել է ժամը 15:54-ին, մարվել՝ 19։35-ին: Այրվել է եղեգնուտ։
