Հազար փառք մեր այն տղաներին ովքեր՝ հայրենիքի պաշտպանության ժամանակ մարտիրոսվեցին։ Մենք կրկին ունենալու ենք մեր հաղթանակները և հավերժ պահելու ենք։ Այդ մասին հայտարարել է «Համահայկական ճակատ» կուսակցության նախագահ Արսեն Վարդանյանը։
Հայոց բանակն ուղղելու է մեջքն ու կրկին գործոն դառնա Հարավային Կովկասում։ Թուրք-ադրբեջանական տանդեմի լոբբիստների՝ՔՊ-ականների հեռացումից հետո հայոց պետականությունն ու հայոց բանակը կրկին գործոն են դառնալու Հարավային Կովկասում։ Այսօր բանակն ենթարկվում է տարբեր փորձությունների՝դիլետանտների կառավարումից սկսած մինչև ադրբեջանական կրակոցներին չպատասխանելու հանգամանքը։
Պրոֆեսիոնալ սպայական կազմը հեռանում է բանակից՝սոցիալական պայմանները բարելավում միայն ոստիկանության համար, որոնք պաշտպանում են իշխող կլանի անվտանգությունը։
Հայոց բանակը թելադրողի դերում է եղել տասնամյակներ շարունակ՝թե հայ-ադրբեջանական սահմանի ողջ երկայնքով, թե Արցախում։ ՔՊ-Ադրբեջան միասնական ջանքերով Արցախը հայաթափվեց, իսկ Արցախի ՊԲ՝կազմալուծվեց։
Բանակում չծառայածները հայոց բանակին չեն վերաբերվում, որպես սրբության՝նրանց համար բանակը գումարներ լվանալու և էժան փիառի վայր է։
ՀՀ-ում իշխանափոխությունից հետո հայոց բանակն ու ուժային բլոկը կրկին իրենց առանցքային տեղն են զբաղեցնելու հայոց պետականության անվտանգության մեջ և կրկին հպարտության առարկա են դառնալու ՀՀ քաղաքացիների և երիտասարդ սերունդների համար։
Հանուն Արցախի, հանուն Եռաբլուրի ՀՀ քաղաքացիները պետք է ոտքի կանգնեն և համախմբվելով ազգային ուժերի շուրջ հեռացնեն ապազգային, կապիտուլյանտ, թրքամետ թիմին։
2026թ․-ին ՀՀ-ում պետք է ձևավորվի նոր՝պետական շահերով առաջնորդվող իշխանություն։
Սեդա Գևորգյան
