Առաջնորդելու եմ, որ Վեհարանն ազատվի Կտրիճ Ներսիսյանից, առաջիկայում կտեսնեք դրսևորումները։ Այս մասին Կառավարությունում ճեպազրույցի ժամանակ ասաց ՀՀ վարչապետ Նիկոլ Փաշինյանը։
«Եկեղեցու վերաբերյալ իմ դիրքորոշումները որևէ փոփոխություն չեն կրել և չեն կարող կրել որևէ հանգամանքի ներքո։ Կտրիճ Ներսիսյանը պետք է վեհարանից հեռանա, Վեհարանը պետք է ազատվի Կտրիճ Ներսիսյանից և պետք է ազատվի ՀԱԵ հետևորդների ջանքերով, որոնցից մեկն էլ ես եմ. ասել եմ՝ առաջնորդելու եմ այդ գործընթացը»,- ասաց Փաշինյանը։
Հիշեցնենք, որ ՀՀ վարչապետ Նիկոլ Փաշինյանը վերջին շրջանում բազմիցս նշել է, որ Վեհարանը պետք է ազատի Կտրճ Ներսիսյանի ներկայությունից։
Փաշինյանը, մասնավորապես, գրել էր, որ պիտի ստեղծեն Համակարգող խումբ, վերը նշված օրակարգի կազմակերպչական հարցերը լուծելու համար։
