Իմպիչմենտ իրականացնելու՝ վարչապետին անվստահություն ներկայացնելու գործընթացը, հիմքեր պետք է ունենա, այդ հիմքերն այսօր առկա չեն: Այդ մասին ասաց «Հայաստան» խմբակցության ղեկավար Սեյրան Օհանյանը:
Սեյրան Օհանյանը նշեց, որ նախաձեռնության հեղինակները գիտեն՝ այդ գործընթացը սկսելու համար պետք է 36 ձայն, իսկ հաջողությամբ ավարտի համար՝ նաև 54 պատգամավորների, այդ թվում՝ ՔՊ-ի ձայները։
Տպավորություն է ստեղծվում, որ ԱԺ ընդդիմությունը հետաքրքրված չէ գործող իշխանությունների հեռացմամբ, քանի որ ՔՊ-ն կատարում է ողջ «սև գործը»՝Արցախի հանձնում, սահմանազատում, Ալիևի բոլոր հակահայ պահանջների կատարում, իսկ խորհրդարանական ընդդիմությունը սպասում է, թե երբ է ավարտվելու այս «սև գործի» իրականացումն, որպեսզի հեշտությամբ գա իշխանության։
Եթե ընդդիմության հույսն այն է, որ ՀՀ քաղաքացիներն ի վերջո զզվելու են ՔՊ-ականներից և ոտքի են կանգնելու՝նրանք սխալվում են։ ՀՀ քաղաքացիները չտապալեցին գործող թրքամետ կառավարությանը, երբ նրանք հանձնեցին Արցախը։ ՀՀ քաղաքացիների քաղաքական պասիվության շնորհիվ է, որ ՔՊ-ականները մնում են իշխանության։
ՀՀ քաղաքացիները չեն ցանկանում ԱԺ ընդդիմությանը տեսնել իշխանության, քանի որ չեն ցանկանում վերադարձ նախկին բարքերին՝տնտեսական տեռորին և քաղաքական, իրավական բեսպրեդելին, արտոնյալների գոյությանը ՀՀ քաղաքական կյանքում։
ՔՊ-ի համար այսօրվա խորհրդարանական ընդդիմությունը շատ ձեռնտու է, քանի որ չի կարողանում տապալել այսքան թուլացած դիլետանտ իշխանական թիմին։ Թույլ ընդդիմության առկայության պայմաններում ՔՊ-ականներն ունեն բոլոր շանսերը 2026թ․-ին վերարտադրվելու։
ՀՀ քաղաքացիները ցանկանում են իշխանության տեսնել նոր քաղաքական դեմքերի, որոնք կապակցված չեն լինի ոչ ՔՊ-ական կլանի, ոչ նախկինների հետ։
Միայն քաղաքական դաշտի ռեստարտը թույլ կտա հասնել իշխանափոխության։
