Իշխանությունը փորձում է գտնել կամ գտել է եղանակներ խարխլելու այն իրավիճակը, որը ունեինք գյումրեցիների ընտրության արդյունքում։ Այս մասին լրագրողների հետ զրույցում ասաց փաստաբան Սոս Հակոբյանը։
Ըստ նրա, ՔՊ-ն «գողանում է» Մարտուն Գրիգորյանի թիմակցին և հավանական է Գյումրիում քաղաքապետ փոխվի․ «Այս ամենը կանխատեսելի էր, չեմ բացառում, որ կարող են ավագանիներին ձերբակալեն կամ կալանքի տանեն, քրեական գործերով վախեցնեն՝ փորձելով լուծել մանդատների տարբերության հարցը, այստեղ էլ գողանան իշխանությունը, որովհետև չեն ստացել այդ քվեն ժողովրդից»,- ասաց Հակոբյանը։
