Մոտ ապագայում Բելառուսը համատեղ արտադրանք կունենա Ադրբեջանի ռազմաարդյունաբերական կորպուսի հետ։ Դրա մասին հայտնել է Պետական ռազմարդյունաբերական կոմիտեի նախագահ Դմիտրի Պանտուսը, որը Բաքվում է վարչապետ Ալեքսանդր Տուրչինի գլխավորած պատվիրակության կազմում:
Հայաստանը կորցնում է դաշնակիցներ՝Ադրբեջանը ձեռք է բերում։ ՔՊ-ականների դիլետանտ, հակառուսական քաղաքականության արդյունքում ՀՀ-ն կորցնում է դաշնակիցների՝այդ թվում ՀԱՊԿ-ի շրջանակներում։ Բելառուսն ու ՀՀ-ն՝ՀԱՊԿ-ի անդամ են, սակայն ՔՊ-ականների քայլերի արդյունքում ՀՀ-ն այսօր սառեցրել է անդամակցությունն այդ ռազմական դաշինքին, իսկ ՀՀ-Բելառուս հարաբերությունները լարվել են։ Գործող իշխանություններն ու Բելառուսի ղեկավարն ունեն անձնական սրված հարաբերություններ։
Այդ ֆոնին Ադրբեջանը խորացնում է տնտեսական, քաղաքական և ռազմական կապերը Բելառուսի հետ։ Ադրբեջանն ու Բելառուսը համատեղ ռազմական արտադրանք են ստեղծելու և հասկանալի է, որ այդ զենքն ապագայում կարող է օգտագործվել ՀՀ-ի դեմ լայնածավալ պատերազմի դեպքում։
ՔՊ-ականների հակառուսական քաղաքականության արդյունքում ՀՀ-ն կորցնում է ռազմա-քաղաքական և տնտեսական դաշնակիցներ թե ՀԱՊԿ-ում, թե ԵԱՏՄ-ում, իսկ հայ-ռուսական կապերը՝Արևմուտքի հրահանգով թրքամետ խմբակի կողմից խաթարվում են։
ՀՀ-ում իշխանափոխության դեպքում միայն հայ-ռուսական կապերը նորից կբարձրանան ռազմավարական մակարդակի։
ՔՊ-ի քայլերի արդյունքում ՀՀ-ն էլ ավելի շատ է մեկուսանում Հարավային Կովկասում։ Վրաստանն ու Ադրբեջանը խորացնում են կապերը ՌԴ-ի հետ, իսկ ՔՊ-ականները ՀՀ-ն տանում են դեպի ԵՄ ու ՆԱՏՕ։
Անգամ Իրան-Ադրբեջան հարաբերություններն են խորանում՝այդ թվում տրանսպորտային ոլորտում, իսկ ՔՊ-ի օրոք Հայաստանը դեռ կյանքի չի կոչել Հյուսիս-Հարավ նախագիծը։
Ներքին և արտաքին բոլոր ճակատներում տապալված թուրք-ադրբեջանական լոբբիստները պետք է հեռացվեն՝հանուն հայրենիքի փրկության։
Սեդա Գևորգյան
