Արցախի 44-օրյա պատերազմը պլանավորված պատերազմ էր, ելքերը բոլորը գիտեին: Այդ մասին հայտարարել է «Համահայկական ճակատ» կուսակցության նախագահ Արսեն Վարդանյանը։
ՔՊ-ն կազմաքանդեց թիկունքն ու թուլացրեց բանակը՝44-օրյա պատերազմում պարտության համար։ ՀՀ գործող իշխանությունները բերվել են իշխանության դրսի ուժերի կողմից հատուկ ծրագրով՝Արցախի հանձնում և ՀՀ-ի արտաքին քաղաքական ուղենիշի 180 աստիճանով փոփոխություն։
Բանակում չծառայածները, ովքեր ունեին զրո ռազմական գիտելիք սկսեցին կազմաքանդել և թուլացնել բանակը՝թիրախավորել մարտական գեներալներին, քրեական շինծու գործերով բարոյալքելով բանակն ու սպայական կազմին։ 44-օրյա պատերազմը՝ՔՊ-Ադրբեջան կուլիսային պայմանավորվածության արդյունք էր՝Արցախի ՊԲ-ն ու հայ զինվորը չեն պարտվել՝նրանք դավաճանվել են Երևանից՝դիլետանտ թրքամոլ կլանի կողմից։
Եթե ՀՀ-ում 44-օրյա պատերազմի օրերին իշխանության լինեին ազգային, պետականամետ ուժերը, ապա Արցախն այսօր կլիներ հայկական՝Շուշիում չէր հնչի մուղամ, այլ կծածանվեր հայկական դրոշը։
ՔՊ-ն բերվել է իշխանության նաև հայ-ռուսական ռազմական և քաղաքական դաշինքը կազմաքանդելու և ՀՀ-ն դեպի ԵՄ ու ՆԱՏՕ տանելու համար։
ՀՀ գործող իշխանություններն՝իրենց ձեռքի տակ եղած ԶԼՄ-ներով և ռուսաֆոբ փորձագետներով հակառուսական տրամադրություններ են տարածում՝ՀՀ քաղաքացիներին կերակրելով ԵՄ-ին անդամակցելու մասին հեքիաթներով։
Հայ-ռուսական ռազմա-քաղաքական դաշինքը՝ՀՀ քաղաքացիների և հայոց պետականության անվտանգության վահանն էր՝այսօր այդ վահանը թուլացվում է, իսկ Սյունիքի վահան Արցախը՝ հանձնված է։
Ադրբեջանի համար ձեռնտու է ՔՊ-ական կապիտուլյանտ իշխանությունների վերարտադրությունը 2026թ․-ին, քանի որ այդ պարագայում Բաքուն առանց մեկ կրակոց ստանալու է Զանգեզուրի միջանցքն ու հայոց բանակի ապառազմականացումը։
Հայոց պետականության միակ փրկությունն՝օպերատիվ կերպով իշխանափոխության մեջ է։
Սեդա Գևորգյան
