Հայաստանն արդեն 7 տարի է հայտնվել է Ուկրաինայի կարգավիճակում։ Այդ մասին հայտարարել է «Համահայկական ճակատ» շարժման առաջնորդ Արշակ Կարապետյանը։
Նիկոլ Փաշինյանը Հայաստանից կերտում է երկրորդ Ուկրաինա և հակառուսական պլացդարմ՝դրանից բխող կործանարար, աղետալի հետևանքներով ՀՀ-ի ու հայ ազգի համար։ Աշխարհը տեսավ, թե ինչ եղավ Ուկրաինայի հետ, երբ Արևմուտքը, ՆԱՏՕ-ն այդ երկիրը վերածեցին հակառուսական խրամատի՝Ուկրաինան վերածվել է տնտեսական, դեմոգրաֆիկ, ռազմաքաղաքական իմաստով failed state-ի և ԱՄՆ-ՌԴ բանակցությունների ընթացքում է որոշվելու այդ երկրի ապագան։
Հայաստանը ՔՊ-ի օրոք Հարավային Կովկասում վերածվում է երկրորդ Ուկրաինայի՝հակառուսական ճակատի՝դրանից բխող բոլոր աղետալի տնտեսական և ռազմաքաղաքական հետևանքներով։
Փաշինյանը տեսնում է, նրա հակառուսականությունն այլևս Սպիտակ տանն ակտուալ չէ և գնորդ չունի։ Նրան մնում է կամ հրաժարական տալ՝կամ գտնել նոր՝եվրոպական տանիք, ինչպես դա անում է Վլադիմիր Զելենսկին՝Լոնդոնի ու Փարիզի վրա քաղաքական խաղադրույք կատարելով։
ՀՀ քաղաքացիները պետք է հասկանան՝Փաշինյանը հանուն սեփական աթոռի ու հարստության, հանուն 2026թ․-ի վերարտադրության պատրաստ է դառնալ եվրոպական պլացդարմ ընդդեմ ՌԴ-ի ու Իրանի կամ բրիտանական խրամատ ընդդեմ ՌԴ-ի գեոպոլիտիկ շահեր։
Հայոց պետականությունը ՔՊ-ի համար ոչ մի արժեք չունի՝նրանք Հայաստանը դիտարկում են, որպես հարստանալու վայր և ապագայում իրենց ընտանիքներով փախչելու են Արևմուտք՝միլիարդները վայելելու։
ՀՀ ազգային, հայրենասեր ուժերը պետք է ստեղծեն միասնական հակափաշինյանական ճակատ՝ՔՊ-ի հեռացումը համարելով գերնպատակ։
ՀՀ քաղաքացիներն իրենց անտարբերությամբ և պասիվությամբ նպաստում են փաշինյանական կլանի դիրքերի ամրապնդմանը, ինչն անթույլատրելի է։
Սեդա Գևորգյան
