Մենք պետք է ստեղծենք Հարավային ռազմական դաշինք, որի մեջ պետք է մտնեն՝ Ռուսաստանը, Հայաստանը և Իրանը։ Դա է մեր անվտանգության երաշխիքը տարածաշրջանում։ Այդ մասին հայտարարել է «Համահայկական ճակատ» շարժման առաջնորդ Արշակ Կարապետյանը։
ՀՀ-ՌԴ-Իրան ռազմա-քաղաքական կոալիցիան՝հայոց պետականության վահան։ Տասնամյակներ շարունակ հայ-ռուսական ռազմա-քաղաքական դաշինքը թույլ էր տալիս ՀՀ-ին Հարավային Կովկասում ունենալ ամենամարտունակ բանակը, զարգացող տնտեսություն, թուրք-ադրբեջանական տանդեմը զուսպ էր, քանի որ գիտակցում էր թե հայ զինվորի բազուկի ուժը, թե ՌԴ-ի գործոնը, որպես ՀՀ-ի ու հայ ժողովրդի անվտանգության երաշխավոր։
ՔՊ-ն կազմաքանդում է հայ-ռուսական դաշինքը՝կատարելով Արևմուտքի պատվերն ու այդ կերպ ուժեղացնելով թուրքերի և ադրբեջանցիների դիրքերը տարածաշրջանում։
Իրանը՝հայոց պետականության անվտանգության ևս մեկ կարևոր երաշխավորներից է՝ՀՀ-ի բարեկամ երկիր և Թեհրանի հայամետ և կոշտ հակաթուրքական դիրքորոշման շնորհիվ է, որ այսօր Սյունիքը հայկական է և ադրբեջանական զորքերը զենքի ուժով չեն բացել Զանգեզուրի միջանցքը։
ՀՀ-ում իշխանափոխությունից հետո հայ-ռուսական և հայ-իրանական հարաբերությունները պետք է բարձրանան որակապես նոր մակարդակ՝այդ հարաբերությունները պետք է հարստացնել նոր տնտեսական, էներգետիկ-տրանսպորտային, ներդրումային ծրագրերով, ինչպես նաև համատեղ եռակողմ զորավարժությունները պետք է կրեն պարբերական բնույթ։
Թուրքիան և Ադրբեջանը հաճախակիացրել են համատեղ զորավարժությունները՝նրանց ժամանակ առ ժամանակ միանում է նաև միջուկային տերություն Պակիստանը։
Դրան ի հակակշիռ Երևանը պետք է ձևավորի ՀՀ-ՌԴ-Իրան ռազմական բռունցքը, որը կլինի կարևոր մեսիջ թուրք-ադրբեջանական տանդեմին և նրանց կուրատոր Արևմուտքին։
Հարավային Կովկասում ՀՀ-ի անվտանգության երաշխավորը ռուս-իրանական ռազմա-քաղաքական տանդեմն է։
Սեդա Գևորգյան
