Հայ սպա Գուրգեն Մարգարյանի՝ 2004 թվականին Բուդապեշտում տեղի ունեցած սպանության հեղինակ Ռամիլ Սաֆարովին ադրբեջանական բանակի գնդապետի կոչում է շնորհվել։ Այս մասին հաղորդում են մի շարք ադրբեջանական լրատվամիջոցներ՝ սեփական աղբյուրները վկայակոչելով։

Նշենք, որ երեկ սոցիալական ցանցերում և որոշ երկրորդական ԶԼՄ-ներով բացառապես ադրբեջաներեն լեզվով տեղեկություն է տարածվել այն մասին, որ ադրբեջանական ԶԼՄ-ներին հրահանգված է չհրապարակել Ռ.Սաֆարովի կոչումի բարձրացումը:

Սոցիալական ցանցերի հաղորդագրությունների համաձայն՝ Սաֆարովին շնորհվել է գնդապետի կոչում։ Հիշեցնենք, որ փոխգնդապետի կոչումը (այսինքն՝ լեյտենանտ-գնդապետի) նրան շնորհվել էր 2017 թվականին։