Հայաստանը հեռացել է իր վստահելի պատմական բարեկամներից ու դաշնակիցներից և հայտնվել աշխարհաքաղաքական ինտրիգների գերության մեջ, որոնք տանում են Հայաստանի՝ որպես պետության վերացմանը: Այդ մասին հայտարարել է «Համահայկական ճակատ» շարժման առաջնորդ, ՀՀ Պաշտպանության նախկին նախարար, գեներալ-մայոր Արշակ Կարապետյանը։
Փաշինյանն ու ՔՊ-ական դիլետանտական խմբակը ՀՀ-ն դարձնում են Արևմուտքի՝հակառուսական քաղաքականության պլացդարմ, ինտրիգների կիզակետ, Հայաստանը դե-ֆակտո վերածելով Արևմուտք-ՌԴ «proxy war»-ի տարածքի։
ՀՀ գործող իշխանությունները զրոյացնում են հայ-ռուսական ռազմավարական կապերը՝դրանով թուլացնում են հայոց պետականության հիմքերն ու հայոց բանակի պաշտպանունակությունը։
Փաշինյանն ելնելով սեփական իշխանությունը պահելու տրամաբանությունից մեկ օր ռուսամետ է խաղում, իսկ մյուս օրը՝արևմտամետ։ Փաշինյանը փորձում է խաղալ Արևմուտք-ՌԴ հակասությունների վրա, ինչը սակայն հանգեցնում է նրան, որ Մոսկվան սկսել է չվստահել ՀՀ-ին, իսկ Արևմուտքի համար ՀՀ-ն վերածվում է Հարավային Կովկասում «հակառուսական պլացդարմի», որտեղից կարելի է հարվածել ՌԴ-ին և Մոսկվայի համար երկրորդ թեժ ճակատ բացել այս անգամ հարավում։
ՀՀ-ում միայն իշխանափոխությունը թույլ կտա հայ-ռուսական հարաբերությունները վերադարձնել կրկին բարձր դաշնակցային մակարդակի, իսկ մյուս ուժային կենտրոնների հետ՝Արևմուտք, Իրան, Չինաստան, Հնդկաստան Հայաստանը պետք է վարի միայն հայկական շահերից բխող քաղաքականություն՝չհակադրելով հայ-ռուսական կապերը Հայաստան-Արևմուտք հարաբերություններին ու վարի կանխատեսելի արտաքին քաղաքականություն։
Սեդա Գևորգյան
