Ադրբեջանը կրկին հայտարարում է, թե Հայաստանը պետք է հնարավորինս արագ վերացնի իր Սահմանադրությամբ «ամրագրված տարածքային պահանջների խնդիրը, որոնք վերաբերում են Ադրբեջանին»։ Սահմանադրությունը փոխելու Բաքվի պահանջի մասին այս անգամ էլ խոսել է Ադրբեջանի նախագահի հատուկ ներկայացուցիչ Էլչին Ամիրբեկովը։
Ադրբեջանի պահանջները Փաշինյանից չեն դադարելու, քանի որ վերջինս ու ՔՊ-ական թիմը պատրաստ են դրանք կյանքի կոչել։ Ի դեմս Փաշինյանի Բաքուն և Անկարան ՀՀ-ում ունեն դաշնակից, որն աստիճանաբար իրականություն է դարձնում թուրքերի դարավոր երազանքը՝Մեծ Թուրանը։
Արցախը ՔՊ-ի կողմից հանձնվեց Ադրբեջանին, այսինքն կազմաքանդվեց Հայաստանի «պաշտպանական վահանը», ինչին շուտով հետևելու է «Զանգեզուրի միջանցքի» հանձնումը։
Փաշինյանը պատրաստ է կապիտուլացնել Հայաստանը մինչև վերջ՝դրա համար նա անփոխարինելի է Բաքվի և Արևմուտքի համար։ Բաքուն ՀՀ-ից ցանկանում է կերտել «Արևմտյան Ադրբեջան»՝հենվելով ՔՊ-ի վրա, իսկ Արևմուտքը՝հակառուսական պլացդարմ՝հենվելով Հարավային Կովկասում թուրքական գործոնի վրա։
Թուրք-ադրբեջանական թիրախում ՀՀ-ն լինելու է այնքան ժամանակ, քանի Երևանում իշխանության է ՔՊ-ական պարտվողական թիմը։ ՀՀ-ում իշխանափոխությունը թույլ կտա ստեղծել այնպիսի բանակ, տնտեսություն և հասարակության մեջ արթնացնել ռազմահայրենասիրություն, որ Բաքվի համար բարդ է լինելու զիջումներ կորզել հայկական կողմից կամ խոսել Երևանի հետ ուլտիմատումների լեզվով։
Հայոց պետականության փրկության բանալին՝իշխանափոխության մեջ է։ Փաշինյանն ու թիմը ՀՀ-ն տանում են դեպի թրքացում և հակառուսական պլացդարմի վերածում։
Սեդա Գևորգյան
