ՌԴ-ն ՀՀ-ի համար հանդիսանում է անվտանգության, տնտեսական զարգացման հիմնական գործընկեր։ ՌԴ-ն եղել է, կա և մնալու է ՀՀ-ի ու հայ ժողովրդի ռազմավարական դաշնակիցը։ Այդ մասին հայտարարել է Համահայկական ճակատ շարժման առաջնորդ Արշակ Կարապետյանը։
Հայ-ռուսական ռազմական դաշինքը՝հայոց պետականության ողնաշարն է։ Փաշինյանն ու ՔՊ-ն տարիներ շարունակ հակառուսական քարոզչություն են իրականացնում, խաթարում են հայ-ռուսական կապերը՝դա անում են Արևմուտքի թելադրանքով ու այդ կերպ փորձում են ՀՀ-ն պոկել ՌԴ-ից ու տանել դեպի ԵՄ ու ՆԱՏՕ։
Հայ-ռուսական կապերի խզումը բխում է թուրք-ադրբեջանական տանդեմի շահերից, քանի որ այդ պարագայում ՀՀ-ն միայնակ է մնում թուրք-ադրբեջանական միասնական բանակի առջև՝դրանից բխող աղետալի հետևանքներով անգամ հայ ժողովրդի ֆիզիկական գոյության համար։
Եթե ՀՀ-ն կտրում է ռազմա-քաղաքական կապերը ՌԴ-ի հետ, ապա կորցնում է նաև Սյունիքը։ Փաշինյանն ու թիմն ամեն ինչ արեցին, որպեսզի ռուս խաղաղապահները դուրս գան Արցախից՝Արցախը Փաշինյանը ճանաչեց Ադրբեջանի մաս և դրանով իսկ կատարեց թուրքական և արևմտյան պատվեր։
Հայ-ռուսական կապերի ամրապնդումն ու ընդլայնումը բոլոր հարթակներում նպաստելու է ՀՀ-ի տնտեսական աճին, հայոց բանակի հզորացմանն ու վերազինմանն, ինչպես նաև թույլ կտա ՀՀ-ին դիմակայել Թուրքիային և ամեն օր զինվող Ադրբեջանին։
Ուկրաինական պատերազմի ավարտից հետո Մոսկվան ավելի մեծ ուշադրություն է դարձնելու ՀՀ-ին ու Հարավային Կովկասին։
Փաշինյանն ու թիմը հեռանալու են և հայ-ռուսական հարաբերություններում բացվի նոր դարաշրջան։
Սեդա Գևորգյան
