Այսօր տեղի ունեցավ փորձագիտական համաժողով «3+3» ձևաչափով` «Տարածաշրջանային համագործակցության հեռանկարներ և հնարավոր տարբերակներ» թեմայով, որը կազմակերպել էր Հայաստանում Ռուսական տունը՝ ՀՀ-ում ՌԴ դեսպանատան աջակցությամբ:
Մեղրիից մինչև Զանգեզուրի «միջանցք» և «Թրամփի ուղի». Քննարկում են Հայաստանի, Ռուսաստանի, Վրաստանի և Իրանի միջազգային հարաբերությունների, տնտեսության և տարածաշրջանային անվտանգության ոլորտի առաջատար մասնագետները:
Համաժողովի շրջանակում վերահաստատվեց տարածաշրջանային համագործակցության և անվտանգության օրակարգը։ Կարևորվում է այս ձևաչափով համատեղ քննարկումների մշտականացումը, որտեղ ներգրավված կլինեն Հայաստանը, Ռուսաստանը, Վրաստանը և Իրանը։
Քննարկումները նպատակ ունեն ձևավորելու կանխատեսելի, փոխշահավետ ու անվտանգ միջավայր` ընդգծելով, որ տարածաշրջանը կարող է ինքնուրույն ձևակերպել իր առաջնահերթությունները և լուծել հրատապ խնդիրները` առանց արտաքին միջամտության։
