Ռուսաստանից պաշտոնական նամակ չենք ստացել, չգիտենք՝ կոնյակի որ ապրանքանիշերի մասին է խոսքը: Այս մասին FrontTv-ի հետ զրույցում ասաց ՍԱՏՄ իրազեկման, խորհրդատվության և հանրության հետ տարվող աշխատանքների բաժնի պետ Անուշ Հարությունյանը՝ անդրադառնալով ՌԴ-ում «Անտիկոնտրաֆակտ» ասոցիացիայի և Ռուսաստանի կոնյակ, սպիրտ և ալկոհոլային խմիչք արտադրողների միության համատեղ հետազոտության արդյունքներին:
Հարությունյանը նշեց հետագա զարգացումների դեպքում ՍԱՏՄ-ն հանդես կգա հայտարարությամբ։
Հիշեցնենք, որ ըստ հետազոտության արդյունքների՝ ռուսական խանութներում վաճառվող հայկական կոնյակների գրեթե 90%-ն անվտանգ չեն, իսկ արտադրանքի մոտ կեսը պարունակում է ոչ խաղողի սպիրտ:
