Մենք բոլորս լավ հասկանում ենք, որ առանց Հայաստանի չկա Սփյուռք, իսկ առանց Սփյուռքի, որի թիվը գրեթե երեք անգամ գերազանցում է մեր երկրի բնակչությանը, չկա Հայաստան: Հայաստանը և Սփյուռքը անբաժան հասկացություններ են: Այդ մասին հայտարարել է «Համահայկական ճակատի» առաջնորդ Արշակ Կարապետյանը։
Հայկական Սփյուռքը՝ գեոպոլիտիկ գործոն է և Հայաստանը՝Սփյուռքի ռեսուրսների վրա հենվելով մեծ քաղաքական կշիռ ունեցող երկիր է, իսկ առանց Սփյուռքի՝այլ կարգավիճակ ունեցող։ Աշխարհում խոսում են հրեական ցանցի կամ Սփյուռքի մասին, որը ֆինանսական, քաղաքական, անգամ հետախուզական աջակցություն է ցուցաբերում Իսրայելին՝հայկական Սփյուռքն ունի բոլոր հնարավորությունները հավասար ազդեցություն ունենալու աշխարհում, ինչպիսին այսօր ունի հրեական Սփյուռքը։
Հայաստան-Սփյուռք-Արցախ եռամիասնությունը Նիկոլ Փաշինյանի և թիմի ջանցքերով կազմաքանդվել է՝ՔՊ-ականները Սփյուռքի նախարարություները փակեցին, Արցախը հանձնեցին Բաքվին, իսկ Հայաստանն այսօր գտնվում է թուրք-ադրբեջանական նոր հարձակման սպառնալիքի առջև։
Սփյուռքի ֆինանսական ներուժը կարող է հայկական տնտեսության համար դառնալ նոր լոկոմոտիվ՝խթան, ուղիղ ներդրումների միջոցով հազարավոր նոր աշխատատեղեր կարող են բացվել մարզերում և սահմանամերձ գյուղերում։ Քաղաքական առումով հայկական լոբբին կարող է որոշիչ ձայն ունենալ թե Արևմուտքում՝ԵՄ ու ԱՄՆ, թե ՌԴ-ում, թե Լատինական Ամերիկայում, թե Մերձավոր Արևելքում։
Սփյուռքի հետ պետք է ճիշտ աշխատել՝ներգրավվելով Սփյուռքի կադրերին հայկական քաղաքական, ռազմական, տնտեսական, մշակութային կյանքում։
Իսրայելը սեփական բնակչության քանակն ավելացնելու համար մի քանի անգամ ներգաղթ է կազմակերպել դեպի Իսրայել՝Եվրոպայից և այլ տեղերից։ Հայաստանը կարող է Սփյուռքից ներգաղթ կազմակերպել Հայաստան՝դեմոգրաֆիկ իրավիճակը շտկելու, ինչպես նաև Սփյուռքում ասիմիլյացիան, ձուլումը կանխելու համար։
Սեդա Գևորգյան