Խաղաղության պայմանագրի մասով մեր դիրքորոշումներում որևէ փոփոխություն չի եղել, այն, ինչ հայարարել ենք՝ դա է, լրագրողների հետ զրույցում ասաց «Քաղաքացիական պայմանագիր» խմբակցության ղեկավար Հայկ Կոնջորյանը:
Նա նշեց, որ ՀՀ-ն բոլոր գործընկերների հետ մշտապես քննարկումների մեջ է՝ խաղաղության օրակարգի հաստատման և տարածաշրջանում երկարատև խաղաղություն հաստատելու վերաբերյալ.
«Իսկ Հայաստանի տարածքային ամբողջականության պահպանման ու վերականգնման մասով մենք նշել ենք, որ այսօր ՀՀ-ի ինքնիշխան տարածքից Ադրբեջանի կողմից օկուպացված շուրջ 207քառ.կմ տարածք կա, որի վերաբերյալ նաև նշել ենք, որ ՀՀ-ն խնդիր չի դնում ռազմական ճանապարհով վերականգնելու իր տարածքային ամբողջականությունը: Կարծում ենք, որ կա հնարավորություն՝ քաղաքական ճանապարհներով հասնելու դրան»:
