Սիրիայի Լաթաքիա քաղաքում պարետային ժամը երկարացվել է մինչև շաբաթ ժամը 09:00-ն, հայտնում է Սիրիա հեռուստաընկերությունը։

Երեկ կատաղի բախումներ են տեղի ունեցել Ջեբլա քաղաքում, Լաթաքիա քաղաքի մի քանի շրջաններում, ինչպես նաև Լաթաքիա և Տարտուս նահանգների լեռնային շրջաններում՝ սիրիական անվտանգության ուժերի և Դամասկոսի նոր կառավարությանը դեմ հանդես եկող զինված խմբավորումների միջև։

Գիշերը բանակի և ՆԳՆ-ի լրացուցիչ ստորաբաժանումներ են ժամանել Տարտուս և Լաթաքիա նահանգներ, իսկ բանակը կիրառել է մարտական ուղղաթիռներ։ Տեղի իշխանությունները պարետային ժամ են սահմանել՝ սրման ֆոնին:

«Լաթաքիայի նահանգի վարչակազմը հայտարարել է քաղաքում պարետային ժամի երկարաձգման մասին մինչև շաբաթ առավոտյան ժամը 09:00»,- ասվում է հաղորդագրության մեջ։

Al Jazeera-ի փոխանցմամբ՝ Սիրիայի պաշտպանության նախարարության ուժերը ժամանել են Լաթաքիա նահանգի Ջաբլե քաղաքի արվարձաններ և կատաղի մարտեր մղում նախկին նախագահ Բաշար ալ Ասադի կողմնակիցների հետ։