​Հանուն Բարեգութ և Ողորմած Աստծո.

​Ի գիտություն Իրանի պատվավոր, մեծ և հերոս ժողովրդի.

​Թշնամին Իրանի ժողովրդի դեմ իր նենգ, անօրինական և հանցավոր պատերազմում կրել է անհերքելի, պատմական և ջախջախիչ պարտություն։ Իսլամական Հեղափոխության նահատակ առաջնորդ՝ Այաթոլլահ Ուզմա Իմամ Խամենեիի մաքուր արյան օրհնությամբ, Իսլամական Հեղափոխության Գերագույն Առաջնորդ և Զինված Ուժերի Գերագույն Գլխավոր Հրամանատար՝ Այաթոլլահ Սեյեդ Մոջթաբա Խամենեիի իմաստուն առաջնորդությամբ, ինչպես նաև` ռազմաճակատներում իսլամի մարտիկների անձնազոհության ու քաջության, և հատկապես՝ պատերազմի առաջին իսկ օրերից ձեր՝ սիրելի ժողովրդի պատմական և հերոսական ներկայության շնորհիվ` Իրանը հասել է հզոր հաղթանակի։

Սա ստիպեց հանցագործ Ամերիկային ընդունել Իրանի 10 կետից բաղկացած նախագիծը, որով ԱՄՆ-ն սկզբունքորեն պարտավորվել է.

​ Չիրականացնել ոչ մի ագրեսիա,

​Ճանաչել Հորմուզի նեղուցի նկատմամբ Իրանի շարունակական վերահսկողությունը,

​Ընդունել ուրանի հարստացման իրավունքը,

​Չեղարկել բոլոր առաջնային և երկրորդային պատժամիջոցները,

​Դադարեցնել ՄԱԿ-ի Անվտանգության Խորհրդի և Կառավարիչների Խորհրդի բոլոր բանաձևերը,

​Վճարել Իրանի կրած վնասների փոխհատուցումը,

​Դուրս բերել ԱՄՆ մարտական ուժերը տարածաշրջանից,

​Դադարեցնել պատերազմը բոլոր ճակատներում, այդ թվում՝ Լիբանանի հերոսական Դիմադրության դեմ։

Մենք շնորհավորում ենք Իրանի ողջ ժողովրդին` այս հաղթանակի առթիվ և շեշտում, որ մինչև այս հաղթանակի մանրամասների վերջնականացումը` դեռևս անհրաժեշտ է պաշտոնյաների տոկունությունն ու խոհեմությունը, ինչպես նաև` ժողովրդի միասնության պահպանումը։

Իսլամական Իրանը՝ Լիբանանի, Իրաքի, Եմենի և օկուպացված Պաղեստինի քաջարի մարտիկների հետ միասին, վերջին 40 օրվա ընթացքում թշնամուն հասցրել է այնպիսի հարվածներ, որոնք համաշխարհային պատմական հիշողությունը երբեք չի մոռանա։

Իրանը և Դիմադրության Առանցքը՝ որպես պատվի և մարդկության ներկայացուցիչներ` ընդդեմ մարդկության ամենավայրագ թշնամիների, պատմական ճակատամարտից հետո նրանց տվեցին անմոռանալի դաս՝ այնպես ջախջախելով նրանց ուժերը, ենթակառուցվածքները և ողջ քաղաքական, տնտեսական ու ռազմական կապիտալը, որ թշնամին այժմ հայտնվել է քայքայման ու հուսահատության մեջ և այլ ելք չունի, քան հանձնվել Իրանի մեծ ժողովրդի և Դիմադրության Առանցքի կամքին։

​ Առաջին իսկ օրվանից, երբ Իրանի հանցագործ թշնամիները սկսեցին այս անարդար պատերազմը` կարծում էին, թե կարճ ժամանակում կհասնեն Իրանի նկատմամբ լիակատար ռազմական տիրապետության, և քաղաքական ու սոցիալական անկայունություն ստեղծելով՝ կստիպեն Իրանին հանձնվել։ Կարծում էին, թե Իրանի հրթիռային և անօդաչու սարքերի կրակը արագ կմարի, և չէին հավատում, որ Իրանը կարող է իր սահմաններից դուրս՝ ողջ տարածաշրջանի ընդգրկումով, նրանց տալ նման հզոր պատասխան։

Համաշխարհային չարաբաստիկ սիոնիզմը համոզել էր Ամերիկայի անմիտ նախագահին, որ այս պատերազմը վերջ կտա Իրանին, և նրանք` վերացնելով մարդկության այս վերջին ամրոցը, այսուհետ կկարողանան հանգիստ իրականացնել ցանկացած հանցագործություն` ում դեմ որ ցանկանան։

Նրանք երազում էին մասնատել սիրելի Իրանը, կողոպտել նրա նավթն ու հարստությունը և, ի վերջո, իրանցիներին երկար տարիներ թողնել քաոսի ու անապահովության մեջ։

​Իսլամի քաջարի մարտիկները և Դիմադրության Առանցքի նրանց խիզախ դաշնակիցները, չնայած, որ իրենց Հոգևոր Առաջնորդի նահատակությունից սրտները վիրավոր էին` ապավինելով Ամենակարող Աստծուն և հետևելով Նահատակների Առաջնորդ (Իմամ Հոսեյնիի) օրինակին, որոշեցին մեկընդմիշտ պատմական դաս տալ այս թշնամիներին, վրեժ լուծել նախկին բոլոր հանցագործությունների համար և ստեղծել այնպիսի պայմաններ, որ թշնամին հավերժ մոռանա սիրելի Իրանի դեմ ագրեսիայի միտքը և լիովին ճաշակի նվաստացման համը` Իրանի մեծ ժողովրդի առջև։

​Այս ռազմավարությամբ, և հենվելով երկրում ստեղծված աննախադեպ քաղաքական ու սոցիալական միասնության վրա, Իրանը և Դիմադրությունը` ԱՄՆ-ի և սիոնիստական ռեժիմի դեմ սկսեցին պատմության ամենածանր հիբրիդային մարտերից մեկը և այս ընթացքում հասան այս ճակատամարտի համար նախանշված բոլոր նպատակներին։

Իրանը և Դիմադրությունը գրեթե ամբողջությամբ ոչնչացրեցին տարածաշրջանում ԱՄՆ ռազմական մեքենան, ջախջախիչ հարվածներ հասցրեցին այն բազմաթիվ ենթակառուցվածքներին, որոնք թշնամին տարիներ շարունակ ստեղծել էր Իրանի դեմ պատերազմի համար, տարածաշրջանային մասշտաբով` հսկայական կորուստներ պատճառեցին ԱՄՆ հանցագործ բանակին, իսկ օկուպացված տարածքների ներսում` հասցրեցին հզոր հարվածներ թշնամու ուժերին, ենթակառուցվածքներին և գույքին։

Նրանք բոլոր ճակատներում այնպես սեղմեցին օղակը թշնամու շուրջը, որ ոչ միայն թշնամու հիմնական նպատակները չիրականացան, այլև` թշնամին պատերազմի սկսվելուց մոտ 10 օր անց հասկացավ, որ ոչ մի կերպ չի կարող հաղթել այս պատերազմում։

Այդ իսկ պատճառով, տարբեր ուղիներով և մեթոդներով, սկսեց փորձել կապ հաստատել Իրանի հետ և հրադադար. խնդրել։