«Համահայկական ճակատ» շարժման առաջնորդ, գեներալ֊մայոր Արշակ Կարապետյանը ֆեյսբուքյան իր էջում գրում է.

Այսօր Հայաստանի եզդիական համայնքը նշում է «Տաուսէ Մալակի» տոնը կամ «Տարվա գլխավոր չորեքշաբթի», այն աշխարհի բոլոր եզդիների և ողջ եզդի ազգի տոնն է: Եզդիական կրոնում այս օրը համարվում է երկրի ստեղծման օր` երկրի ծննդյան օրը, ինչի առիթով «Համահայկական ճակատ» շարժման և անձամբ իմ անունից շնորհավորում եմ մեր եղբայրական ազգին այս սուրբ տոնի առիթով:

Մաղթում եմ անսպառ ուժ ու կորով, և ամենայն բարիք:

Սա հրաշալի առիթ է ևս մեկ անգամ հիշելու և պատվելու բոլոր եզդի քաջորդիներին, ովքեր հայկական ազատագրական պատերազմներին իրենց մասնակցությունն են ունեցել, ինչպես նաև իրենց կյանքը զոհաբերել հանուն անկախության գաղափարի:

Փառք ու պատիվ մեր քաջարի եզդի եղբայրներին:

Մեկ անգամ ևս շնորհավորում եմ։