ՀԱՊԿ-ի «Մարտական եղբայրություն 2025» համատեղ զորավարժությունները նախատեսված են սեպտեմբերին և կանցկացվեն Բելառուսի Լոսվիդո և Լեպելսկի զորավարժարաններում: Այս մասին ՏԱՍՍ-ին հայտնել է ՀԱՊԿ-ի միացյալ շտաբի մամուլի քարտուղար Վլադիսլավ Շչեգրիկովիչը:
Նա նշել է, որ «Մարտական եղբայրություն 2025» զորավարժությունների կազմակերպման և անցկացման վերաբերյալ երկրորդ շտաբային բանակցությունները տեղի են ունեցել հունիսի 3-ից 5-ը Բելառուսում։
Շչեգրիկովիչը նշել է, որ բանակցություններին մասնակցել են Բելառուսի , Ղազախստանի , Ղրղզստանի , Ռուսաստանի Դաշնության, Տաջիկստանի շահագրգիռ նախարարությունների և գերատեսչությունների ներկայացուցիչներ, Կազմակերպության քարտուղարությունը և ՀԱՊԿ-ի միացյալ շտաբի պետի առաջին տեղակալ, գեներալ-լեյտենանտ Հասան Կալոևի գլխավորած սպաների խումբը։
