Ֆրանսիայում Ռուսաստանի դեսպանը առաջիկա օրերին կհրավիրվի ԱԳՆ՝ բացատրություններ տալու վերջին կիբերհարձակումների վերաբերյալ, որոնցում ֆրանսիական կողմը տեսնում է ռուսական հետք։ Դա հայտնել է Ֆրանսիայի արտաքին գործերի նախարար Ժան-Նոել Բարոն։
Բարոյի խոսքով՝ Եվրոպայում ռուսական հատուկ ծառայությունները իրականացնում են թվային դիվերսիաների և լրտեսության լայնածավալ արշավ։ Թիրախավորվել են պետական կառույցներ, ընկերություններ և օպերատորներ, նպատակն է տվյալների ձեռքբերում կամ գործողությունների խափանում, օրինակ՝ Լեհաստանում երկաթուղային ենթակառուցվածքների դեպքում։
Նա նշեց, որ արշավը ազդել է եվրոպական մոտ տասը երկրների, այդ թվում՝ Ֆրանսիայի վրա, սակայն չի հստակեցրել հասցված վնասը։ BFMTV-ին տված հարցազրույցում նախարարն ասաց, որ կսահմանվեն նաև պատժամիջոցներ ինը ֆիզիկական անձանց և չորս կազմակերպությունների նկատմամբ, իսկ Ֆրանսիան կարողացել է բացահայտել հարձակումները՝ զգալիորեն ամրապնդելով իր կիբերպաշտպանությունը։
