Թուրքիայի և Ադրբեջանի բարեկամությունն ու եղբայրությունը անխախտ են, իսկ երկու ժողովուրդներն այդ տեսակետն են կիսում։ Այս մասին հայտարարել է Ադրբեջանի նախագահ Իլհամ Ալիևը օկուպացված Շուշիում IV Գլոբալ մեդիա ֆորումի ժամանակ՝ պատասխանելով Անադոլուի լրագրողի հարցին, ըստ ադրբեջանական ԶԼՄ-ների։
Նրա խոսքով՝ երկրների քաղաքական և տնտեսական կապերը բարձր մակարդակի վրա են, պահպանում են սերտ բարեկամական հարաբերություններ։ Ալիևը նշել է, որ երկրները դաշնակիցներ են, և «եթե մեր երկրներից մեկի համար սպառնալիք առաջանա, մյուսը կմոբիլիզացնի իր ողջ ներուժը, այդ թվում՝ ռազմական, իր դաշնակցին պաշտպանելու համար»։
