Ատլանտյան օվկիանոսի վրա արդեն ձևավորվել է շոգի նոր ալիք, Պորտուգալիայում և Իսպանիայի հարավում սպասվում է մինչև 43°C։ Ֆրանսիան և Բենիլյուքսի երկրները պատրաստվում են շոգի հերթական ալիքին։
ԱՀԿ-ի Եվրոպայի տարածաշրջանային տնօրեն Հանս Կլյուգեն հայտնել է, որ Եվրոպան բավարար չափով պատրաստ չէ շոգի նոր ալիքին, տեղեկացնում է «Արմենպրես»-ը՝ վկայակոչելով Յուրոնյուզը։
Նրա խոսքով՝ եվրոպական տարածաշրջանի երկրների նույնիսկ կեսը չունի ծրագրեր՝ ծայրահեղ շոգի պայմաններում առողջությանը սպառնող ռիսկերի մեղմման համար։ Կլյուգեն ընդգծել է, որ ծրագրերը պետք է ներառեն օդերևութաբանական վաղ նախազգուշացումներ, աշխատանք բարձր ռիսկի խմբերի հետ, ինչպես նաև ոլորտային գերատեսչությունների միջև համակարգում։
