Գերմանական ավտոարտադրող Porsche-ը քննարկում է առաջիկա տարիներին ևս շուրջ 4 հազար աշխատակցի կրճատելու հնարավորությունը։ Bild-ի տվյալներով՝ որոշումը պայմանավորված է ընկերության հակաճգնաժամային ծրագրով։

Ավելի վաղ ընկերությունը նախատեսել էր մինչև 2029 թվականը կրճատել ավելի քան 3,9 հազար աշխատակցի, սակայն ծախսերի աճը բերեց կրճատումների ևս մեկ փուլի դիտարկմանը։ Եթե ծրագիրը իրականացվի, աշխատանքը կարող է կորցնել մոտ 8 հազար մարդ, առավելապես ղեկավար և վարչական օղակներում, իսկ Վայսախի ինժեներահետազոտական կենտրոնում՝ մինչև 30 տոկոսով։