Անկարայում կայանալիք ՆԱՏՕ-ի գագաթնաժողովի նախաշեմին ոստիկանությունը մի քանի նահանգներում խուզարկությունների ընթացքում ձերբակալել է տասնյակ անձանց։ «Ահաբեկչական» հետաքննության շրջանակում թիրախավորվել են իրավաբաններ, գիտնականներ, լրագրողներ, ուսանողներ և սոցիալիստական տարբեր խմբերի ներկայացուցիչներ, ինչպես նաև անցյալ շաբաթ տեղի ունեցած նմանատիպ քննության ժամանակ։
Խուզարկություններն ու ձերբակալությունները այսօր առավոտյան միաժամանակ կատարվել են Ստամբուլում, Անկարայում, Իզմիրում, Քոջաելիում, Անթալիայում, Դերսիմում, Ուրֆայում, Չանաքքալեում և Բուրսայում։ Գործողությունները կապվում են հուլիսի 7-8-ը մայրաքաղաք Անկարայում նախատեսված ՆԱՏՕ-ի գագաթնաժողովի հետ, իսկ վերցվածների մեջ կան գիտնականներ, փաստաբաններ, իրավաբանական ֆակուլտետի ուսանողներ, ասոցիացիաների ու արհմիությունների անդամներ, քաղաքական կուսակցությունների ներկայացուցիչներ։
