Ադրբեջանի կողմից շարունակվում են սպառնալիքներ տեղալ, և այս մասին փաստում է նոյեմբերի 8-ին Ադրբեջանի նախագահի ելույթի ժամանակ վերջինիս կողմից արված նվաստացուցիչ հայտարարությունը Հայաստանի իշխանության հասցեին: Թուրքիան աջակցում է Բաքվին, իսկ Փաշինյանն ու իր թիմը ամեն ինչ արել են մեր հին դաշնակիցների հետ հարաբերությունները վատացնելու համար։ Այդ մասին հայտարարել է Համահայկական ճակատ շարժման և կուսակցության առաջնորդ Արշակ Կարապետյանը։
Թուրք-ադրբեջանական տանդեմի նպատակը՝ՀՀ-ի կազմաքանդումն է։ Անկարան և Բաքուն հենվելով Երևանում իրենց դաշնակից Փաշինյանի ու ՔՊ-ի վրա փուլ առ փուլ կազմաքանդում են հայոց պետականությունը։ Առաջին փուլում՝Արցախը թուլացվեց, աստիճանաբար մնաց միայնակ թուրք-ադրբեջանական հարձակմանն ընդառաջ, ինչից հետո ՔՊ-ի կողմից ճանաչվեց Ադրբեջանի մաս։ Երկրորդ փուլում ամեն ինչ արվում է Սյունիքով միջանցք տրամադրելու համար՝Ալիևը պահանջում է, իսկ Փաշինյանն երբեք չի կարողանում մերժել Բաքվին։
Սյունիքով միջանցք այս պահին չկա, քանի որ ՌԴ-ն ու Իրանը կոշտ հայտարարություն են արել, որ այդ միջանցքը չի լինելու՝Մոսկվան ու Թեհրանը խոսում են սահմանների ապաշրջափակման, սակայն ոչ ՀՀ սուվերեն տարածքների հաշվին միջանցքի տրամադրման մասին։
Երրորդ՝բանակը ՔՊ-ի օրոք կազմաքանդվում է, որպեսզի ՀՀ-ն չունենա ռազմական ներուժ Ալիևին հակազդելու և ՀՀ օկուպացված տարածքներից ադրբեջանական զորքերը դուրս շպրտելու համար։
Տնտեսական և ռազմա-քաղաքական աղետ՝սա է ՔՊ-ի կառավարման արդյունքը, ինչն էլ հանգեցնում է Հարավային Կովկասում թուրքական գործոնի հզորացմանը։
Հայոց պետականության փրկությունն՝այս դրածո թիմի օր առաջ հեռացման մեջ է։
