Գյումրու ընտրություններում որոշ դեմքեր տեսնելով՝ մարդիկ պետք է հիշեն ընտրակեղծիքների մասին եւ հիշողությունն արտահայտեն քվեարկությամբ: Այս մասին ֆեյսբուքյան իր էջում գրել է Նիկոլ Փաշինյանը։
ՔՊ-ականների համար Գյումրիի ընտրությունները լակմուսի թուղթ են՝նրանք ցանկանում են Գյումրիում ամեն գնով հաղթել, որպեսզի ցույց տան ՀՀ քաղաքացիներին, թե իբր հսկում են իրավիճակը ՀՀ-ում և ընտրողները նրանց շարունակում են վստահել։
Գյումրիի ոչ մի խնդիր Փաշինյանն ու թիմը չեն լուծել՝մարդիկ բնակվում են տնակներում, չկան աշխատատեղեր՝Գյումրիից մեծ է արտագաղթը, բարձր է աղքատության թիվը։
ՔՊ-ականները վերոնշյալ խնդիրները սկսած 2018թ․-ից չեն լուծել և այժմ ցանկանում են նախկիններով վախեցնել ՀՀ քաղաքացիներին և ձայներ պոկել գյումրեցիներից։
Գյումրեցիները պետք է դեմ քվեարկեն ՔՊ-ականներին՝Գյումրիի ազատագրումով սկսվելու է փաշինյանական կլանին հեռացնելու համապետական գործընթացը։
ՀՀ քաղաքացիներին մոլորեցնելը դարձել է ՔՊ-ականների գործելաոճը՝ՔՊ-ն դարձել է դոլարային միլիոնատերերի թիմ, իսկ ՀՀ քաղաքացիների համար ամեն օր նոր հարկեր և տուրքեր են սահմանում՝ՀՀ-ի հայաթափումն արագացնելու համար։
ՀՀ քաղաքական ուժերը պետք է պայքարեն ոչ թե միմյանց դեմ՝դրանով ջուր լցնելով ՔՊ-ականների ջրաղացին, այլ ՀՀ քաղաքացիներին ներկայացնեն Փաշինյանի և թիմի բացթողումներն ու ամեն գնով հասնեն հաղթանակի ՏԻՄ ցանկացած ընտրություններում։
Փաշինյանն ու թիմը չպետք է վերարտադրվեն 2026թ․-ին, քանի որ նրանց վերարտադրությունը հանգեցնելու է հայոց պետականության վախճանին։
Սեդա Գևորգյան
