Անվերջ սպառնալ ՀՀ-ին և հարձակվել ՀՀ-ի վրա հանգեցնելու է Ադրբեջանի պետականության կորստին։ Այդ մասին հայտարարել է «Համահայկական ճակատ»շարժման առաջնորդ Արշակ Կարապետյանը։
ՀՀ-ում իշխանափոխությունից հետո Բաքվի սպառնալիքները չեզոքացվելու են։ Ադրբեջանն օգտվում է այն հանգամանքից, որ ՀՀ-ում իշխանության են թուրք-ադրբեջանական շահերի լոբբիստներն, ովքեր Արցախը սիրով հանձնեցին, կազմաքանդում են հայոց բանակը, տնտեսությունն ու հայ-ռուսական կապերը՝մեկուսացնելով ՀՀ-ն Հարավային Կովկասում։
Փաշինյանն ու ՔՊ-ական փողասեր թիմը համարձակություն չունեն հակադարձելու Բաքվի սպառնալիքներին՝նրանց համար միակ գերնպատակն իշխանության պահպանումն է և հարստանալը։
Հանուն դրա նրանք պատրաստ են հայկական շահերը զոհաբերել, ՀՀ-ն դարձնել հակառուսական պլացդարմ և թուրքական վիլայեթ։
ՀՀ-ում իշխանափոխությունից հետո ազգային, պետականամետ ուժերը հզորացնելու են հայոց բանակը, ամրապնդելու են սահմաններն ու հայ-ռուսական ռազմական դաշինքը։ Դա հանգեցնելու է նրան, որ Ալիևն այլևս չի կարողանալու անպատիժ սպառնալ հայ ազգին, Հայաստանն անվանել ադրբեջանական տարածք։
Փաշինյանական կլանը պետք է հեռացվի, քանի որ նրանց քայլերն՝ազգային անվտանգության սպառնալիք են։
Արցախը հանձնված է, Սյունիքը վտանգված է, ՀՀ-ից արտագաղթը նմանվում է էվակուացիայի, իսկ տնտեսությունը մեծ տեմպերով գլորվում է անդունդը։
ՀՀ-ում իշխանափոխությունը՝հայոց պետականության փրկության ճանապարհային քարտեզի առաջին կետն է։ ՔՊ-ն պետք է հեռացվի համազգային պայքարով, քանի որ նրանց քայլերի արդյունքում հայոց պետականությունն ամեն օր թուլանում է։
Սեդա Գևորգյան
