Նոր Սահմանադրությունը կունենա տարածաշրջանային նշանակություն։ Այդ մասին հայտարարել է Նիկոլ Փաշինյանը։
Փաշինյանի նոր սահմանադրությունը՝Թուրքիայի և Ադրբեջանի պահանջն է։ Փաշինյանը սկսել է կատարել իր դաշնակից Ալիևի ևս մեկ պահանջ՝փոխում է ՀՀ սահմանադրությունը՝Արցախի հարցը վերջնականապես փակելու համար։ Բացի այդ, Թուրքիան պահանջում է հրաժարվել Հայոց ցեղասպանության միջազգային ճանաչումից և ՔՊ-ականներն հանուն աթոռի պատրաստ են կյանքի կոչել նաև այդ հակահայ պահանջը՝միայն թե մնան իրենց աթոռներին։
Թուրքիան և Ադրբեջանը հերթով Փաշինյանից ստանում են այն, ինչ ցանկանում են՝Արցախն ու Հայոց ցեղասպանությունից հրաժարում։ Փաշինյանն ու ՔՊ-ն՝Ալլահի պարգևն են Ալիևի ու Էրդողանի համար։
Հայոց պետականությունը փուլ առ փուլ կործանվում և հյուծվում է, իսկ փաշինյանական կլանը հարստանում է և պատրաստվում է ցանկացած գնով 2026թ․-ին մնալ իշխանության։
Գյումրիի ընտրությունները լինելու են կարևոր ներքաղաքական իրադարձություն՝Փաշինյանը հրահանգել է ՔՊ-ականներին ամեն գնով հասնել Գյումրիում հաղթանակի։ Վարչական լծակները, ուժայինները և եթե անհրաժեշտ լինի նաև թաղային հեղինակություններն աշխատելու են հօգուտ ՔՊ-ականների։
Ընդդիմությունը պետք է անի ամեն ինչ ՔՊ-ականների վերարտադրությունը Գյումրիում թույլ չտալու համար, քանի որ Գյումրիում հաղթանակը ՔՊ-ականները փիառելու են և այն օգտագործեն նաև 2026թ․-ին ԱԺ ընտրություններում հաղթելու համար։
Փաշինյանն ու թիմը պետք է հեռացվեն, որպեսզի հայոց պետականությունը չվերածվի թուրքական վիլայեթի կամ Ալիևի երազած «Արևմտյան Ադրբեջանի»։
Հայ ազգը պետք է դուրս գա քաղաքական խորը քնից և իր ձայնը բարձրացնի Փաշինյանի և ՔՊ-ի դեմ:
Սեդա Գևորգյան
