Նիկոլ Փաշինյանը հայտարարել է, որ այո, Ադրբեջանին ճանապարհ տալու են, «իսկ թե ինչպես ենք ճանապարհ տալու, իմ վերջին հոդվածում մանրամասն գրանցված ու ձեւակերպված է: Մենք սպասում ենք Ադրբեջանի պաշտոնական պատասխանին, եւ երբ մեր առաջարկին այդ պատասխանը լինի, հենց հաջորդ վայրկյանին պատրաստ ենք մեր առաջարկի իրագործմանը»:
Փաշինյանը ողջ Հայաստանն է վերածում թուրք-ադրբեջանական միջանցքի։ Փաշինյանը նախօրեին ազդարարել է, որ Հայաստանը դառնում է թուրք-ադրբեջանական տանդեմի շահերի, լոգիստիկ նախագծերի, Մեծ Թուրանի կցորդ՝դե-ֆակտո Հայաստանը վերածվելու է մեծ միջանցքի, եթե Փաշինյանն ու թիմը մնացին իշխանության։
Խաղաղության, իսկ իրականում կապիտուլյացիոն նոր պայմանագրի տեքստը պատրաստ է և այն Հայաստանի ինքնիշխանության լուծարման տեքստն է։
Թրքամետ ՔՊ-ականները պատրաստ են կատարել Ալիևի բոլոր հակահայ պահանջները՝ՀՀ քաղաքացիների անտարբերության և լռության ֆոնին։
ՀՀ քաղաքացիների պասիվությունն ամրապնդելու է փաշինյանական կլանի դիրքերն ու մոտեցնելու է Հայաստանի վերջնական կազմաքանդումը։
Փաշինյանն ու թիմն արդեն բացահայտ են սպասարկում թուրքական և ադրբեջանական շահեր՝մեկ պայմանով։ Նրանք Ալիևից խնդրում են տալ նրանց շանս մնալ ՀՀ-ում իշխանության 2026թ․-ին, որպեսզի հայակործան պլանը մինչև վերջ կյանքի կոչվի։
ՀՀ քաղաքական ուժերը, ովքեր չեն ցանկանում տեսնել հայոց պետականության վերջնական կազմաքանդումը պետք է համատեղեն ջանքերը՝ՔՊ-ին հեռացնելու համար։
Ներքաղաքական թիվ մեկ հարցը պետք է դառնա փողոցային պայքարով Փաշինյանին հեռացնելը։ Նոր ընտրությունների ժամանակ ՔՊ-ն գործի է դնելու վարչական լծակները, ընտրակեղծիքներն ու ոստիկանության միջոցով ցրելու է հետընտրական քաղաքական ակցիաները։
Սեդա Գևորգյան
