Հայաստանի հետ ոչ մեկ չի բանակցում, քանի որ Հայաստանը հրաժարվեց միջնորդներից։ Այդ մասին հայտարարել է Համահայկական ճակատ շարժման առաջնորդ Արշակ Կարապետյանը։
Փաշինյանն ու ՔՊ-ն Հայաստանը միայնակ են թողել տարածաշրջանում, ինչից օգտվում է թուրք-ադրբեջանական տանդեմը՝ՀՀ-ից կորզելով նորանոր զիջումներ։
Փաշինյանական կլանն ամեն օր կազմաքանդում է հայ-ռուսական ռազմաքաղաքական դաշինքը՝Արևմուտքի հրահանգով, որպեսզի ՀՀ-ում զրոյացվի ռուսական ներկայությունը։
Արևմուտքի հրահանգով Փաշինյանն Արցախը ճանաչեց Ադրբեջանի կազմում՝ռուսական խաղաղապահներին Արցախից դուրս հանելու և ՀՀ-ում հակառուսական տրամադրություններ տարածելու համար։
ՔՊ-ականները սպասարկում են թուրք-ադրբեջանական շահերը՝հնազանդ կատարում են Ալիևի բոլոր հրահանգները, ինչն էլ հանգեցնելու է հայոց պետականության կազմաքանդմանը։
Փաշինյանի և նրա դիլետանտ թիմի քաղաքականության արդյունքում ՀՀ-ում սոցիալ-տնտեսական աղետալի իրավիճակ է ստեղծվել, արտագաղթը չի դադարում, արտաքին պարտքը միայն ավելանում է, իսկ ՔՊ-ականները՝հարստանում։
Հարավային Կովկասում Փաշինյանի և թիմի քայլերի արդյունքում ուժեղանում են Թուրքիայի և Ադրբեջանի դիրքերը՝կյանքի է կոչվում Հայաստանն առանց հայերի ծրագիրն ու Մեծ Թուրանի գաղափարը։
ՌԴ-ի և Իրանի շահերից չի բխում ՀՀ-ի թուլացումն ու թրքացումը, սակայն այդ հայակործան ընթացքը կանխելու համար ՀՀ քաղաքացիները պետք է ոտքի կանգնեն և հեռացնեն Ալիևի դեսպաններին Երևանում։
Եթե ՔՊ-ն մնաց իշխանության և վերարտադրվեց 2026թ․-ին, ապա հայոց պետականության կործանումը դառնալու է ցավոք անդառնալի գործընթաց։
Սեդա Գևորգյան
