Այս իշխանությունները փոխանակ օգնեն տեղահանված արցախցիներին ամրանալ Մայր Հայաստանում և ամրացնել այն, մեզ դիտարկում ու ներկայացնում են որպես «թշնամի»՝ իրենց ներքին ու արտաքին քաղաքական երազները սնելու և ձախողումներն արդարացնելու նպատակով: Այդ մասին հայտարարել է Արցախի նախկին պետնախարար Արտակ Բեգլարյանը։
Արցախը ՔՊ-ականների համար ոչ թե սրբություն էր, այլ բեռ։ ՀՀ գործող իշխանությունները չպայքարեցին Արցախի համար՝նրանք հեշտությամբ այն զիջեցին իրենց դաշնակից Ալիևին՝Երևանից հանգիստ նայելով, թե ինչպես է վերջնականապես հայաթափվում Արցախը։
Արցախը հանձնվել ու դավաճանվել է թիկունքից՝Երևանից, գործող իշխանությունների ու Ադրբեջանի կուլիսային պայմանավորվածությունների արդյունքում։ ՔՊ-ն կատարելով թուրք-ադրբեջանական և Արևմուտքի հակառուսական օրակարգը՝Արցախը ճանաչեց Ադրբեջանի կազմում, որպեսզի այնտեղից դուրս բերվեն ռուսական խաղաղապահները։
Այսօր ՔՊ-ն ամեն ինչ անում է, որպեսզի արցախցիները վերջնականապես արտագաղթեն ՀՀ-ից։ Գործող իշխանությունները ՀՀ քաղաքացիների շրջանում՝սոցցանցերով և ֆեյքերով հակաարցախյան տրամադրություններ են տարածում՝ստեղծում են անտանելի սոցիալ-տնտեսական պայմաններ արցախցիների համար, որպեսզի նրանք այլ ելք չունենան, քան արտագաղթելը։
ՔՊ-ն կատարում է Ալիևի ևս մեկ պահանջ՝հայաթափելով Արցախն այսօր արցախցիներին հեռացնում է նաև ՀՀ-ից՝փակելով արցախյան հարցը։
ՀՀ գործող իշխանությունները վտանգ են տեսնում արցախցիների համախմբման մեջ՝նրանք արցախցիներին դիտարկում են, որպես ընդդիմության աջակիցներ և ցանկանում են ազատվել արցախյան հիմնախնդրից մեկընդմիշտ։
ՀՀ-ում իշխանափոխությունը միայն թույլ կտա նոր հայամետ իշխանություններին զբաղվել արցախցիների սոցիալ-տնտեսական խնդիրներով և բարձրացնել Արցախի հարցը միջազգային ատյաններում և այն դարձնել արտաքին քաղաքականության կարևոր օրակարգերից մեկը
Սեդա Գևորգյան
