Հանրապետության հրապարակում բողոքի ակցիա են անում զբոսաշրջային ծառայություններ մատուցող վարորդները: Նրանք պնդում են որ իրենց ձայնը լսելի չէ, չգիտեն՝ ինչ անեն, ուր գնան, որ իրենց խնդրին լուծում տան, այդ իսկ պատճառով ակցիա են իրականացնում:
Բողոքի պատճառն այն է, որ քաղաքապետարանը որոշում է կայացրել, որով կայանումն արգելող նշաններ է դրել Հյուսիսային պողոտա–Աբովյան խաչմերուկից մինչև Հանրապետության հրապարակ։
Վարորդները պնդում են՝ դա իրենց համար միայն կայանման վայր չէ, այլ՝ աշխատավայր:
«Մենք չենք կարող օրերով այսպես մնալ, մինչև իրենք այդ թղթաբանությունը կատարեն։ Մարդը մի օր չաշխատեց, իր երեխան սոված է մնալու։ Ես գնամ երեխային ասեմ՝ տղա ջան, սպասի, մինչև ձյաձյաները որոշե՞ն։ Այպես իրար պաս տալով ոչ ոք չի ուզում այս հարցին լուծում տալ»,- News.am-ի հետ զրույցում ասաց վարորդներից մեկը, ով պդնեց, որ տարբեր տեղեր են դիմել, սակայն իրենց չեն ընդունում ու չեն լսում:
